விஜய் நடிப்பில் தமிழ், தெலுங்கு என இருமொழிகளில் உருவாகியுள்ள வாரிசு திரைப்படம் வரும் பொங்கல் பண்டிகை ரிலீஸாக ஜனவரி 12-ஆம் தேதி வெளியாக இருக்கிறது. தோழா படத்தை இயக்கிய இயக்குனர் வம்சி பைடிப்பள்ளி இந்த படத்தை இயக்கியுள்ளார். தமன் இந்த படத்திற்கு இசையமைத்துள்ளார். ராஷ்மிகா மந்தனா கதாநாயகியாக நடித்துள்ளார்.
![](https://v4ucinema.com/wp-content/uploads/2022/10/varisu-4-1.jpg)
இந்த படத்தில் தமன் இசையில் உருவாகியுள்ள பாடல்கள் சீரான இடைவெளியில் ஒவ்வொன்றாக வெளியிடப்பட்டு வருகின்றன. முதலாவதாக வெளியான ரஞ்சிதமே பாடல் இதுவரை 10 கோடி பார்வையாளர்கள் பார்க்கப்பட்டு மிகப்பெரிய சாதனை படைத்துள்ளது.
![](https://v4ucinema.com/wp-content/uploads/2022/11/varisu-2-1-819x1024.jpg)
சமீபத்தில் தீ என்கிற இன்னொரு பாடலும் வெளியாகி வரவேற்பை பெற்றது. இந்த நிலையில் இந்த படத்தில் சோல் ஆப் வாரிசு என்கிற பெயரில் அம்மாவை பற்றிய அருமையான பாடல் மூன்றாவதாக வெளியாகி உள்ளது.
![](https://v4ucinema.com/wp-content/uploads/2022/12/varisu-1-683x1024.jpg)
இந்த பாடலை சின்னக்குயில் சித்ரா பாடியுள்ளார். தாய்ப்பாசத்தை மையப்படுத்தி உருவாகியுள்ள இந்த பாடல், நிச்சயம் படம் வெளியாகும்போது தாய்மார்கள் மத்தியில் மிகப்பெரிய தாக்கத்தை ஏற்படுத்தும் என்பது பாடலை கேட்கும்போதே தெரிகிறது.
![](https://v4ucinema.com/wp-content/uploads/2022/12/varisu-2-848x1024.jpg)