பிரபுதேவாவின் நடிப்பில் கடந்த வருடம் பொன் மாணிக்கவேல் உள்ளிட்ட சில படங்கள் வரிசையாக வெளியாகின. ஆனாலும் சொல்லிக் கொள்ளும்படியான வெற்றி எதுவும் அவருக்கு கிடைக்கவில்லை. இந்த நிலையில் ஒரு சிறிய இடைவெளிக்கு பிறகு இந்த வருடத்தில் அவரது முதல் படமாக பஹீரா திரைப்படம் வரும் மார்ச் மூன்றாம் தேதி வெளியாக இருக்கிறது.
இந்த படத்தை ஆதிக ரவிச்சந்திரன் இயக்கி உள்ளார். இதற்கு முன்பு சிம்பு நடித்த அன்பானவன் அசராதவன் அடங்காதவன் படத்தை இயக்கிய இவர் தற்போது விஷால், எஸ்ஜே சூர்யா நடித்து வரும் மார்க் ஆண்டனி என்கிற படத்தை இயக்கி வருகிறார்.
இந்த நிலையில் இடைப்பட்ட சமயத்தில் இவர் இயக்கிய பஹீரா திரைப்படம் மிகப்பெரிய எதிர்பார்ப்பை ஏற்படுத்தி உள்ளது. இந்த படத்தில் கதாநாயகிகளாக அமைரா தஸ்தூர், ரம்யா நம்பீசன், சாக்சி அகர்வால், காயத்ரி ஆகியோர் நடித்துள்ளனர்.
இந்த படத்தின் போஸ்டர்களை பார்க்கும்போது இது ஒரு பேண்டஸி திரைப்படமாக குழந்தைகளை கவரும் விதமாக உருவாகி இருக்கிறது என்பதை புரிந்து கொள்ள முடிகிறது. அந்த வகையில் இந்த படம் இந்த வருடத்தில் பிரபுதேவாவிற்கு நல்ல வெற்றியுடன் கூடிய துவக்கமாக அமையும் என நம்பலாம்.