பெரும்பாலும் முன்னணி ஹீரோக்கள் நடிக்கும் படங்களில் காமெடி காட்சிகள் களைகட்ட வேண்டும் என்றால் சம்பந்தப்பட்ட ஹீரோக்கள் உடன் நடிக்கும் காமெடி நடிகர்களுக்கு நிறைய இடம் கொடுத்து ஒத்துழைக்கவேண்டும். அடுத்ததாக காமெடி நடிகர்கள் கதாபாத்திரங்களாக மாறி படத்தில் தங்களை கிண்டல் செய்யும் காட்சிகள் இடம் பெற்றால் அதை முழு மனதுடன் ஏற்க வேண்டும். அப்படி செய்யும்போது அந்த காமெடி காட்சிகள் ரசிகர்களிடம் மிகப்பெரிய வரவேற்பை பெறுவது உறுதி.
இதற்கு முன்னதாக தர்பார் படத்தில் சூப்பர் ஸ்டார் ரஜினிகாந்துடன் இணைந்து நடித்த யோகிபாபு இருவரும் வரும் காட்சிகளில் எல்லாம் ரசிகர்கள் வயிறு குலுங்கச் சிரித்தனர். அந்த அளவிற்கு சூப்பர் ஸ்டார் ரஜினி அண்டர் ப்ளே செய்து யோகி பாபுவின் காமெடி பெரிய அளவில் ஒர்க்அவுட் ஆகவும் அந்த காட்சியே கலகலப்பாகவும் உறுதுணையாக இருந்தார்.
தற்போது வெளியாகியுள்ள வாரிசு டிரைலரை பார்க்கும்போது விஜய் அதேபோன்ற ஒரு சுதந்திரத்தை யோகிபாபுவுக்கு கொடுத்துள்ளார் என்பது நன்றாக தெரிகிறது. விஜய்யின் பூவே உனக்காக பட புகழ் பெற்ற டயலாக்கை யோகிபாபு பேசுவது போலவும் அதற்கு விஜய் கலாய்த்து பதில் அளிப்பது போலவும் இருக்கும் அந்தக் காட்சி டிரைலரை பார்க்கும்போது சிரிப்பை வரவழைப்பது இருக்கிறது.
படத்தில் இது போன்று இன்னும் நிறைய காட்சிகள் இடம் பெற்றிருக்கும் என யூகிக்க முடிகிறது. இதற்கு முன்னதாக மெர்சல் படத்தில் கூட யோகிபாபு இதேபோன்று விஜய்யை கலாய்க்கும் விதமாக நடித்த காமெடி காட்சிகளுக்கு விஜய் அழகாக ஒத்துழைப்பு கொடுத்ததும் அந்த காட்சிகள் ரசிகர்களிடம் வரவேற்பைப் பெற்றதும் குறிப்பிடத்தக்கது.