விஷாலும் நகைச்சுவை நடிகர் யோகி பாபுவும் ஏற்கனவே பல படங்களில் இணைந்து நடித்துள்ளனர். இந்த நிலையில் தற்போது ஹரி இயக்கத்தில் விஷால் நடித்துவரும் படத்திலும் அவருடன் இணைந்து முக்கிய கதாபாத்திரத்தில் நடித்து வருகிறார் யோகி பாபு.
பிரியா பவானி சங்கர் கதாநாயகியாக நடிக்கும் இந்த படத்தின் படப்பிடிப்பு தூத்துக்குடி மற்றும் அதை சுற்றியுள்ள பகுதிகளில் நடைபெற்று வருகிறது. இந்த நிலையில் படப்பிடிப்பிற்கு சென்றபோது வழியில் உள்ள கடையில் முருகன் சிலை ஒன்றை பார்த்த யோகி பாபு உடனடியாக அதை வாங்கி நடிகர் விஷாலுக்கு தனது பரிசாக அளித்துள்ளார்.
இந்த புகைப்படத்தை தனது சோசியல் மீடியா பக்கத்தில் பகிர்ந்து கொண்டுள்ள விஷால் யோகி பாபுவின் அன்பு பற்றி கூறும்போது, “இது ஒரு மறக்க முடியாத பரிசு.. ஐ லவ் யூ.. நன்றி.. கடவுள் ஆசீர்வதிக்கட்டும்” என்று கூறியுள்ளார்.