அமரர் கல்கி எழுதிய பொன்னியின் செல்வன் நாவல் மணிரத்னம் இயக்கத்தில் இரண்டு பாகங்களாக உருவாகி அதன் முதல் பாகம் கடந்த வருடம் செப்டம்பர் 30ஆம் தேதி வெளியானது. மிகப்பெரிய வரவேற்பையும் 500 கோடி ரூபாய்க்கு மேல் வசூலையும் இந்த படம் பெற்றது.
இதைத் தொடர்ந்து இந்த படத்தின் இரண்டாம் பாகம் வரும் ஏப்ரல் 28ஆம் தேதி திரையரங்குகளில் வெளியாகிறது. அதனால் கடந்த ஒரு மாதத்திற்கு முன்பு இருந்தே இந்த படத்தின் பிரமோஷன் நிகழ்ச்சிகளை படக்குழுவினர் துவங்கி விட்டனர். அந்த வகையில் தற்போது ஹைதராபாத், சென்னை, மும்பை என மாறி மாறி பயணித்து இந்த படத்தின் பிரமோஷன் நிகழ்ச்சிகளில் கலந்து கொண்டு வருகின்றனர் பொன்னியின் செல்வன் படக்குழுவினர்.
இந்த நிலையில் டில்லியில் பிரமோஷன் நிகழ்ச்சிக்காக கலந்துகொள்ள சென்றபோது கார்த்தி, விக்ரம், திரிஷா, ஜெயம் ரவி, ஐஸ்வர்ய லட்சுமி, சோபிதா துலிபாலா ஆகிய பொன்னியின் செல்வன் நட்சத்திரங்கள் சாலையோர கடைகளில் இறங்கி அங்கு அங்கிருந்த குல்பியை வாங்கி ருசித்து சாப்பிட்டனர்.
அந்த இடத்தில் எந்தவித பந்தாவும் இன்றி இவர்கள் காட்டிய எளிமையும் குறும்புத்தனமும் சேர்ந்த புகைப்படங்கள் தற்போது சோசியல் மீடியாவில் வெளியாகி வைரனாகி வருகின்றன.