நடிகர் மகேஷ்பாபு நடிப்பில் தெலுங்கில் கடந்த இரண்டு வருடங்களுக்கு முன்பு சர்க்காரு வாரி பாட்டா திரைப்படம் வெளியானது. பரசுராம் இயக்கத்தில் கீர்த்தி சுரேஷ் கதாநாயகியாக நடித்திருந்த இந்த படம் மிகப்பெரிய வெற்றியை பெற்றது. அதை தொடர்ந்து அடுத்த படம் எதிலும் நடிக்காமல் சில நாட்கள் ஓய்வில் இருந்தார் மகேஷ் பாபு.
இந்தநிலையில் கடந்த சில மாதங்களுக்கு முன்பு இவர் இயக்குனர் திரிவிக்ரம் ஸ்ரீநிவாஸ் இயக்கத்தில் புதிய படம் ஒன்றில் நடிக்கிறார் என அறிவிப்பு வெளியானது. சமீப காலமாக அந்த படத்தின் படப்பிடிப்பும் நடைபெற்று வருகிறது.. இந்த படத்தில் பூஜா ஹெக்டே கதாநாயகியாக நடிக்கிறார்.
இந்த நிலையல் இந்தப்படம் வரும் 2024 ஜன-13ல் சங்கராந்தி பண்டிகை கொண்டாட்டமாக வெளியாக இருக்கிறது என தற்போது அதிகாரப்பூர்வமாக அறிவிக்கப்பட்டுள்ளது.
மகேஷ்பாபு நடிக்கும் 28 வது படமாக உருவாகி வரும் இந்த படத்திற்கு இந்த முறை, கதையின் களம், மேக்கிங், தொழில்நுட்பம், மகேஷ் பாபுவின் கதாபாத்திரம் என அனைத்துமே முந்தைய இரண்டு படங்களை விட அட்டகாசமாக ரசிகர்கள் கொண்டாடும் வகையில் பார்த்து பார்த்து உருவாக்கி வருகிறார்களாம்
அந்த வகையில் இந்தபடத்தை தேசிய விருது பெற்ற தொழில்நுட்ப வல்லுநர் நவின் நூலி எடிட்டிங் செய்கிறார், கலை இயக்குநராக AS பிரகாஷ், இசையமைப்பாளராக தேசிய விருது பெற்ற இசையமைப்பாளர் S தமன் மற்றும் ஒளிப்பதிவாளராக PS வினோத் ஆகியோர் பணியாற்றுகின்றனர்