நடிகர் விஜய் தற்போது லோகேஷ் கனகராஜ் இயக்கத்தில் நடித்த வரும் லியோ திரைப்படம் வரும் அக்டோபர் 16ஆம் தேதி வெளியாக இருக்கிறது என முன்கூட்டியே அறிவித்து விட்டதாலோ என்னவோ தற்போது அதன் படப்பிடிப்பு விறுவிறுப்பாக நடைபெற்று வருகிறது.
கடந்த ஜனவரி மாதம் காஷ்மீரில் இந்த படத்தின் படப்பிடிப்பு துவங்கிய நிலையில் தற்போது வரை தொடர்ந்து காஷ்மீரில் படப்பிடிப்பு நடைபெற்று வருகிறது. இந்த லொகேஷனில் இயக்குனர் மிஷ்கின், திரிஷா, பிரியா ஆனந்த், அபிராமி வெங்கடாசலம் உள்ளிட்ட பல நட்சத்திரங்கள் நடிக்கும் காட்சிகள் படமாக்கப்பட்டன.
குறிப்பாக பாலிவுட் வில்லன் நடிகர் சஞ்சய்தத் மற்றும் விஜய் ஆகியோர் மோதும் காட்சிகள் இங்கே படமாக்கப்பட்டன. கடந்த இரண்டு தினங்களுக்கு முன்பு கூட லியோ பட குழுவினர் காஷ்மீரில் தங்கி இருந்த ஹோட்டல் பகுதியில் மெல்லி நிலநடுக்கம் ஏற்பட்டு பரபரப்பை கிளப்பியது.
அதே சமயம் சில நிமிடங்களிலேயே மீண்டும் அந்த பகுதி இயல்புக்கு நிலைக்கு திரும்பியது. படக்குழுவினரும் தாங்கள் பத்திரமாக இருப்பதை தெரிவித்தனர். இந்த நிலையில் காஷ்மீரில் லியோ படத்தின் படப்பிடிப்பும் முடிவடைந்துள்ளதாக தயாரிப்பு நிறுவனம் அறிவித்துள்ளது.
அதுமட்டுமல்ல படப்பிடிப்பு தளத்திலிருந்து விஜய் சம்பந்தப்பட்ட சில காட்சிகளையும் இணையதளத்தில் வெளியிட்டுள்ளனர்.
குறிப்பாக காஷ்மீர் பகுதி ஜவான்களுடன் விஜய் கலந்துரையாடும் புகைப்படங்களும் தற்போது சோசியல் மீடியாவில் வெளியாகிய வைரலாகி வருகின்றன.