பீஸ்ட் படத்தை தொடர்ந்து விஜய் நடிப்பில் உருவாகி வந்த வாரிசு திரைப்படம் ரசிகர்களால் மிகப்பெரிய அளவில் எதிர்பார்க்கப்பட்ட நிலையில் தற்போது தமிழகமெங்கும் ரசிகர்களால் கொண்டாடப்பட்டு வருகிறது. மக்கள் வாரிசு படத்திற்கு வரவேற்பு கொடுத்து வருகின்றனர். மாஸ்டர், பீஸ்ட் என விஜய் நடித்த படங்கள் தொடர்ந்து வெற்றி பெற்று வந்த நிலையில் தற்போது வாரிசு படமும் வெற்றி படமாக அமைந்துள்ளது.
ஒன் மேன் ஆர்மி என்று சொல்வது போல இந்த மொத்த படத்தின் வெற்றியையும் விஜய் தனி ஆளாக தாங்கி இருக்கிறார் என்று கூட சொல்லலாம். அந்த அளவிற்கு மொத்த படத்திலும் ரசிகர்களை மகிழ்வித்துள்ளார் விஜய்.
இந்த நிலையில் படம் வெற்றி பெற்றதை தொடர்ந்து இந்த படத்தின் இயக்குனர் வம்சி பைடிப்பள்ளி மற்றும் படத்தின் தயாரிப்பாளர் தில் ராஜு இருவரும் விஜய்யை நேரில் சந்தித்து பூங்கொத்து கொடுத்து தங்களது வாழ்த்துக்களை பகிர்ந்து கொண்டனர்.
