நடிகர் அருண்விஜய் தற்போது சீரான இடைவெளிகளில் அதேசமயம் பிசியான நடிகராக பல படங்களில் நடித்துவருகிறார். சொல்லப்போனால் அவரது படங்கள் பெரும்பாலும் மினிமம் கியாரண்டி வெற்றி என்கிற அளவில் ரசிகர்களுக்கும் தயாரிப்பாளர்களுக்கும் திருப்தி தரும் படைப்புகளாகவே வெளியாகி வருகின்றன.
இந்த நிலையில் நேற்று தனது பிறந்தநாளை ரசிகர்களுடன் இந்த சமூகத்திற்கு பயன்படும் சில நெகிழ்வான செயல்களுடன் கொண்டாடியுள்ளார் அருண்விஜய்.
அந்த வகையில் தனது பிறந்த நாளை உதவும் கரங்கள் ஆதரவற்றோர் இல்லத்தில் உள்ள குழந்தைகளுடன் இணைந்து கொண்டாடினார். அவர்களுக்கு உணவு பரிமாறி, அவர்களுடன் இணைந்து பிறந்தநாள் கேக் வெட்டி அவர்களை மகிழ்வித்தார்.
அதுமட்டுமல்ல தனது ரசிகர்கள் நற்பணி மன்றம் மூலம் இராயப்பேட்டை அரசு மருத்துவமனையில் நடத்திய மாபெரும் இரத்ததான முகாமில் கலந்து கொண்டார். அங்கு ரசிகர்களுடன் இணைந்து தானும் இரத்த தானம் செய்தார் அருண் விஜய்.