திரைப்பட விநியோகஸ்தராக இருந்து தயாரிப்பாளராக மாறி அதன்பின் இயக்குனர் பாலா மூலம் தாரை தப்பட்டை என்கிற படத்தில் நடிகராகவும் அறிமுகமானவர் ஆர்கே சுரேஷ். தொடர்ந்து வில்லன் கதாபாத்திரங்களில் நடித்துவந்த ஆர்கே சுரேஷ் தற்போது சில படங்களில் கதையின் நாயகனாகவும் நடித்து வருகிறார்.
தமிழ் மட்டுமல்லாது தெலுங்கில் மூன்று படங்களில் வில்லனாக நடித்துவரும் ஆர்கே சுரேஷ், மலையாளத்தில் ஒரு படத்திலும் ஒரு வெப்சீரிஸ் ஒன்றிலும் நடித்து வருகிறார். இந்தநிலையில் தமிழில் அவர் புதிய படம் ஒன்றில் கதாநாயகனாக நடிக்கிறார்.
இந்த படத்தை பாரதி கணேஷ் என்பவர் இயக்குகிறார். இவர் கடந்த 20 வருடங்களுக்கு முன்பு விஜயகாந்த் நடிப்பில் வெளியான கண்ணுபடப்போகுதய்யா என்கிற சூப்பர்ஹிட் படத்தை இயக்கியவர்.
இவரது இயக்கத்தில் ஆர்கே சுரேஷ் நடிக்கும் இந்த படத்தின் துவக்க விழா பூஜை இன்று நடைபெற்றது. இந்த படத்தில் முக்கிய கதாபாத்திரங்களில் நடிக்கும் ராதாரவி, சந்தானபாரதி, சாம்ஸ் டேனி ஆகியோர் இந்த நிகழ்ச்சியில் கலந்துகொண்டனர்.