சமீபத்தில் வெளியான பெரிய படங்களில் விக்ரம் படத்திற்கு பிறகு தற்போது துல்கர் சல்மான் நடிப்பில் வெளியாகியுள்ள சீதாராமம் திரைப்படம் தான் மிகப்பெரிய வரவேற்புடன் கூடவே வசூல் ரீதியாகவும் வெற்றி படமாக ஓடிக்கொண்டிருக்கிறது.
துல்கர் சல்மான் நடிப்பில் தெலுங்கில் இரண்டாவது படமாக வெளியாகி உள்ள இந்த படத்தை இயக்குனர் ஹனு ராகவபுடி இயக்கியுள்ளார். மிருணாள் தாக்கூர் கதாநாயகியாக நடித்துள்ள இந்த படத்தில் ராஷ்மிகா மிக முக்கியமான கதாபாத்திரத்தில் நடித்துள்ளார்.
ராணுவ பின்னணியில் காதல் கதையாக உருவாகியுள்ள இந்த படம் இந்தியாவில் வசூல் ரீதியாக சில சாதனைகளை நிகழ்த்தி உள்ளது. இந்த நிலையில் அமெரிக்காவில் வெளியான சீதாராமம் படம். ஒரு மில்லியன் டாலர்களை வசூலித்து அமெரிக்க பாக்ஸ் ஆபிஸில் புதிய வசூல் சாதனை நிகழ்த்தி இருக்கிறது.