கொரோனா காலகட்டத்தில் படங்கள் தியேட்டரில் வெளியாக முடியாத சூழல் நிலவிய சமயத்தில் ஓடிடியில் ஒரு சில படங்கள் வெளியாகின அப்படி வெளியான படங்களில் ஜெயம் ரவி நடித்த பூமி திரைப்படமும் ஒன்று. அந்த படத்தை தொடர்ந்து அடுத்து ஜெயம் ரவியின் படங்கள் எப்போது தியேட்டரில் வருமென எதிர்பார்ப்பு நிலவி வந்த நிலையில் இதோ இப்போது அவர் நடித்துள்ள அகிலன் திரைப்படம் விறுவிறுப்பாக தயாராகி வருகிறது.
பூலோகம் படத்தை இயக்கிய கல்யாண் கிருஷ்ணன் தான் இந்த படத்தை இயக்கியுள்ளார். பிரியா பவானி சங்கர் கதாநாயகியாக நடித்துள்ளார். இந்தப்படத்தின் படப்பிடிப்பு நிறைவடைந்ததை அறிவிக்கும் விதமாக படக்குழுவினர் அசத்தலான மேக்கிங் வீடியோ ஒன்றை வெளியிட்டுள்ளனர்.
அதன்படி இந்த படத்தில் கடலின் ராஜாவாக ஜெயம்ரவி நடித்துள்ளார் என்பதும் படத்தின் பெரும்பாலான காட்சிகள் கடல் மற்றும் துறைமுகம் ஆகிய பகுதிகளில் தான் படமாக்கப்பட்டுள்ளது என்பதும் நன்றாகவே தெரிகிறது.
அதுமட்டுமல்ல படத்தில் பெரும்பாலும் அதிரடி ஆக்ஷன் காட்சிகள் அதிகமாக இடம்பெறும் என்பதும் இந்த மேக்கிங் வீடியோவில் தெளிவாக தெரிகிறது. இந்த படத்தின் டீசர் வரும் ஜூன் 12ஆம் தேதி வெளியிடப்படும் என்றும் அறிவித்துள்ளனர்.