தமிழ் சினிமாவின் இன்றைய தேதியில் மினிமம் கியாரண்டி நாயகனாக இருக்கும் வெகு சிலரில் ஒருவர் நடிகர் விமல். அவர் கைவசம் தற்போது நான்கு இந்த படங்கள் இருக்கின்றன அதில் அடுத்ததாக ரிலீசுக்கு தயாராகி வரும் படம் துடிக்கும் கரங்கள்.
இயக்குனர் வேலுதாஸ் இந்த படத்தை இயக்கியுள்ளதுடன் இணை தயாரிப்பாளராகவும் இந்த படத்தை தயாரித்து உள்ளார். இவர் ஏற்கனவே எஸ்.எஸ்.ஸ்டான்லி, நந்தா பெரியசாமி ஆகிய இயக்குனர்களிடம் உதவியாளராக பணியாற்றிய அனுபவம் கொண்டவர்.
இந்த துடிக்கும் கரங்கள் படம் கிட்டத்தட்ட 35 வருடங்களுக்கு முன்பு சூப்பர் ஸ்டார் ரஜினிகாந்த் நடித்த படத்தின் டைட்டில். அந்த வெற்றி படத்தின் டைட்டிலை சென்டிமென்டாக இந்த படத்திற்கு பயன்படுத்தியுள்ளனர். இந்த படத்தில் கதாநாயகியாக மும்பையை சேர்ந்த மனிஷா அறிமுகமாகியுள்ளார். ஏற்கனவே இவர் தெலுங்கு இரண்டு தெலுங்கு படங்களில் நடித்துள்ளதுடன் கன்னடத்திலும் ஒரு படத்தில் நடித்து வருகிறார்.
இவர்களுடன் முக்கிய வேடத்தில் சுரேஷ் மேனன், சதீஷ் ஆகியோர் நடித்துள்ளனர். பிரபல இசையமைப்பாளர் மணிசர்மாவுடன் அவரது நிழல் போலவே இருபத்தி மூன்று வருடங்கள் உதவியாளராக பணியாற்றி வரும் அவரது சகோதரர் மகன் ராகவ் பிரசாத் இந்த படத்தில் இசையமைப்பாளராக அறிமுகமாகிறார்.
இந்த படத்தில் யூடியூப் சேனல் நடத்தும் நிருபராக விமல் நடித்துள்ளார். அவரது சக நண்பராக சதீஷ் நடித்துள்ளார். ஒரு நிருபர் தன் வேலையை செய்கிறார். அதனால் அவருக்கு மிகப்பெரிய இடத்திலிருந்து ஏற்படும் எதிர்ப்பு மற்றும் பிரச்சனைகளை எப்படி தைரியமாக எதிர்கொள்கிறார் என்பதுதான் இந்த படத்தின் கதை.
நகரத்து கதைகளில் அதிகம் நடித்திராத ஒருவர் நடித்தால் அந்த கதாபாத்திரம் சுவாரசியமாக இருக்கும் என்பதால் இந்த படத்தில் ஹீரோவாக விமலை தேர்வு செய்ததாக இயக்குனர் வேலுதாஸ் கூறியுள்ளார்.