எல்கேஜி படம் மூலம் கதாநாயகனாக புரமோஷன் பெற்ற ஆர்ஜே பாலாஜி மூக்குத்தி அம்மன் படத்தின் மூலம் அதை இன்னும் வலுவாக தக்கவைத்துக் கொண்டார். இதைத்தொடர்ந்து வீட்ல விசேஷம் என்கிற படத்தை இயக்கி கதாநாயகனாகவும் நடித்து முடித்துவிட்டார். இந்த நிலையில் புதிய படம் ஒன்றில் கதாநாயகனாக நடிக்கிறார் ஆர்ஜே பாலாஜி.
இந்த படமும் வித்தியாசமான ஒரு கதை களத்தில் தான் உருவாக இருக்கிறது. சர்தார் படத்தை தயாரித்து வரும் பிரின்ஸ் பிக்சர்ஸ் நிறுவனம் தான் இந்தப் படத்தையும் தயாரிக்கிறது.. இந்தப்படத்தை இயக்குனர் ஜியென் கிருஷ்ணகுமார் என்பவர் இயக்குகிறார். இவர் மலையாளத்தில் பிரித்விராஜ் நடிப்பில் வெளியான தியான் என்கிற ஆக்சன் படத்தை இயக்கியவர்.
படையப்பா படத்தில் சூப்பர் ஸ்டார் ரஜினிகாந்த் செந்திலை பார்த்து, “மாப்பிள்ளை இவர்தான்.. ஆனா அவர் போட்டிருக்கும் சட்டை என்னுடையது அல்ல” என்று சொல்வது போல, இந்தப்படத்தில் கதாநாயகியாக ஐஸ்வர்யா ராஜேஷ் நடிக்கிறார்.. ஆனால் நாயகன் ஆர்ஜே பாலாஜிக்கு ஜோடியாக நடிக்கும் நடிகை இன்னும் தேர்வு செய்யப்படவில்லை என்பது ஒரு புதுவிதமான ஆச்சரியம் தரும் செய்தி.