மலையாள நடிகர் துல்கர் சல்மான் படங்கள் கேரளாவிலும் மட்டுமின்றி தமிழ்நாட்டிலும் நல்ல வசூல் செய்யும்.
அனூப் சத்யன் இயக்கத்தில் 14 வருட இடைவெளிக்கு பிறகு வெற்றி ஜோடி என அனைவராலும் புகழப்படும் சுரேஷ் கோபி மற்றும் ஷோபனா மீண்டும் இணைந்து நடித்தனர். இத்திரைப்படம் துல்கரின் முதல் தயாரிப்பு ஆகும்.
இத்திரைப்படத்தில் விடுதலை புலிகள் தலைவர் பிரபாகரனை விமர்சித்ததாக குற்றச்சாட்டு எழுந்துள்ளது. ஒரு காமெடி காட்சியில் நடிகர் சுரேஷ் கோபி தன் நாயை பிரபாகரன் என அழைக்கும் காட்சி அமைந்துள்ளது . இது சர்ச்சையாக வெடிக்கவே, நடிகர் துல்கர் சல்மான் அனைத்து தமிழ் மக்களிடமும் மன்னிப்பு கேட்டுக்கொள்கிறேன் என ட்விட் செய்துள்ளார்.
துல்கர் வெளியிட்ட அறிக்கையில் “வரணே அவஷ்யமுண்ட்-ல் உள்ள பிரபாகரன் நகைச்சுவை தமிழ் மக்களை அவமதிப்பதாக நிறைய பேர் என் கவனத்திற்குக் கொண்டு வந்துள்ளனர். இது வேண்டுமென்றே செய்யப்படவில்லை. இந்த நகைச்சுவை ஒரு பழைய மலையாள திரைப்படமான “பட்டனா பிரவேசம்” பற்றிய குறிப்பு மற்றும் கேரளாவில் ஒரு பொதுவான நினைவு. இது கேரளாவிலும் ஒரு பொதுவான பெயராகும், எனவே படத்தின் ஆரம்பத்தில் எங்கள் மறுப்பு குறிப்பிடுவதைப் போல இது வாழ்ந்த அல்லது இறந்த எந்தவொரு நபரிடமும் இயக்கப்படவில்லை. எதிர்வினையாற்றும் பெரும்பாலானவர்கள் படம் பார்க்காமல் அவ்வாறு செய்து வெறுப்பை பரப்ப முயற்சிக்கின்றனர். என்னையும் என் இயக்குனர் அனூப்பையும் வெறுக்க வைப்பதற்கான முயற்சியாக இது அமைந்துவிடக்கூடாது. மேலும் கோபம் இருக்கும் பட்சத்தில் அதை எங்களுடன் முடித்துவிடுங்கள், எங்கள் குடும்பங்களை தாழ்த்தவோ, அசிங்கமாக திட்டவோ வேண்டாம். புண்படுத்தப்பட்டதாக உணர்ந்த நல்ல மற்றும் தயவான தமிழ் ஈழ மக்கள் அனைவரிடமும் நான் மன்னிப்பு கேட்டுக்கொள்கிறேன். எனது படங்கள் மூலமாகவோ அல்லது என் சொற்களின் மூலமாகவோ யாரையும் புண்படுத்த நான் ஒருபோதும் விரும்பவில்லை. இது உண்மையிலேயே தவறான புரிதல்” என குறிப்பிட்டுள்ளார்.
To all those who were offended. I apologise. And I also apologise on behalf of #VaraneAvashyamund and @DQsWayfarerFilm ! This is the reference to the joke in question. The 1988 film “Pattana Pravesham”. pic.twitter.com/7fQrrJRU7u— dulquer salmaan (@dulQuer) April 26, 2020
To all those who were offended. I apologise. And I also apologise on behalf of #VaraneAvashyamund and @DQsWayfarerFilm ! pic.twitter.com/erbjftlNbj— dulquer salmaan (@dulQuer) April 26, 2020
