இரண்டு ஆஸ்கார் விருதுகளை வென்ற இசையமைப்பாளர் ஏ.ஆர் ரஹ்மானுடன் பணியாற்ற பல முன்னணி இயக்குனர்கள் மட்டுமின்றி ஹாலிவுட் இயக்குநர்களே போட்டி போட்டு காத்திருக்கின்றனர். ஆனால், அவரது பாலிவுட் பட வாய்ப்புகளை தட்டி பறிக்கவே ஒரு கும்பல் வேலை செய்வதாக அவரது சகோதரி ஏ.ஆர்.ரெஹானா சமீபத்திய பேட்டியில் தெரிவித்துள்ளார்.
சுஷாந்த்தின் கடைசிப் படமான “தில் பேச்சாரோ” படத்திற்கு இசையமைக்க ரஹ்மானிடன் செல்ல வேண்டாமெனப் அப்படத்தின் இயக்குனரிடம் பலரும் தடுத்ததாகவும் இதேபோல் தனக்கான பல பெரிய பட வாய்ப்புகளை தட்டி பறிப்பதாக தெரிவித்துள்ளார்.
இந்த நிலையில் பாலிவுட்டின் முன்னணி இயக்குனர்களில் ஒருவரான சேகர் கபூர் ‘நீங்கள் ஆஸ்கர் வாங்கியதுதான் இங்கு பிரச்சனை. நீங்கள் பாலிவுட்டை விட அதிக திறமை கொண்டவா் என்பது இதன் மூலம் நிரூபணமாகிறது’ என தனது ஆதரவை தெரிவித்துள்ளார்.
Lost Money comes back, fame comes back, but the wasted prime time of our lives will never come back. Peace! Lets move on. We have greater things to do😊 https://t.co/7oWnS4ATvB— A.R.Rahman (@arrahman) July 26, 2020
அவருக்கு தனது ட்விட்டர் பக்கம் மூலம் பதிலளித்த இசையமைப்பாளர் ரஹ்மான் ‘பணம் திரும்ப வரும். புகழ் திரும்ப வரும். வாழ்வின் முக்கியமான தருணங்கள் திரும்ப வராது.. அமைதியாக இருங்கள். கடந்து செல்வோம். நாம் செய்ய வேண்டிய மிகப்பெரிய விஷயங்கள் நிறைய உள்ளன’ என கூறியுள்ளார்.