பாகுபலியை தொடர்ந்து பிரபாஸ் அடுத்து சுஜீத் எழுதி இயக்கிய ‘சாஹோ’ படத்தில் ஷ்ரத்தா கபூருடன் இணைந்து நடிக்கிறார். இந்த பல மொழி அதிரடி திரில்லரில் நடிகர்கள் அருண் விஜய், நீல் நிதின் முகேஷ், ஜாக்கி ஷிராஃப், சங்கி பாண்டே மற்றும் பலர் முக்கியமான துணை வேடங்களில் நடித்துள்ளனர்.
யூ.வி கிரியேஷன்ஸ் வம்சி கிருஷ்ண ரெட்டி, பிரமோத் உப்பலபதி மற்றும் விக்ரம் ரெட்டி ஆகியோர் இணைந்து இந்தப் படத்தை தயாரிக்கின்றனர். சாஹோ ஒளிப்பதிவை மதியும், ஸ்ரீகர் பிரசாத் படத்தின் எடிட்டிங்கையும் கையாண்டுள்ளனர்.
ஜிப்ரான் இசையமைக்கும் இந்தப் படம் ஆகஸ்ட் 30 ஆம் தேதி வெளியிடப்பட உள்ளது, இதை தொடர்ந்து இசையமைப்பாளர் ஜிப்ரான், சாஹோ படத்தின் கிளைமாக்ஸ் காட்சியில் வரும் பின்னணி இசையை தனது ட்விட்டர் பக்கத்தில் பதிவிட்டுள்ளார். அதில், கிளைமேக்ஸ் – சாஹோ என்று குறிப்பிட்டு பின்னணி இசையமைப்பதை வீடியோவாக வெளியிட்டுள்ளார்.