சிவகார்த்திகேயன் நடிப்பில் மடோன் அஸ்வின் இயக்கத்தில் உருவாகியுள்ள மாவீரன் திரைப்படம் வரும் ஜூலை 14ஆம் தேதி வெளியாக இருக்கிறது. சமீபத்தில் இந்த படத்தின் டிரைலர் வெளியானது. இந்த டிரைலரில் அனைவரையும் கவர்ந்த விஷயம் என்னவென்றால் சிவகார்த்திகேயன் அடிக்கடி வானத்தை நோக்கி பார்ப்பார்.
இது என்ன வித்தியாசமாக இருக்கிறதே என்பது பலரும் நினைத்தார்கள். ஆனால் முக்கியமான சமயங்களில் அவருக்கு வானத்தில் இருந்து ஒரு குரல் கேட்கும் அதன்படி அவர் செயல்படுவார் என்பது போன்று காட்சிகள் அமைக்கப்பட்டு உள்ளனவாம்.
அந்த வகையில் இந்த குரலை ஒரு பிரபல நடிகர் தான் கொடுத்திருக்கிறார் என்று சொல்லப்பட்டு வந்தது. தற்போது அது விஜய்சேதுபதி தான் என்பதை படக்குழுவினர் அறிவித்துள்ளனர். அவர் குரலில் வீரமே ஜெயம் என்கிற வார்த்தைகள் தான் சிவகார்த்திகேயன் காதுகளில் அடிக்கடி ஒளிக்குமாம்.
இந்த படத்தில் கதாநாயகியாக அதிதி ஷங்கர் நடித்துள்ளார். வில்லன்களாக இயக்குனர் மிஸ்கின் மற்றும் தெலுங்கு நடிகர் சுனில் ஆகிய நடித்துள்ளனர்.
முக்கிய வேடங்களில் நடிகை சரிதா, யோகிபாபு ஆகியோர் நடித்துள்ளனர். இந்த படத்திற்கு பரத் சங்கர் இசையமைத்துள்ளார்.