சிவகார்த்திகேயன் நடிப்பில் அடுத்ததாக மாவீரன் திரைப்படம் வெளியாக இருக்கிறது. வரும் ஜூலை 14ஆம் தேதி வெளியாக இருக்கும் இந்த திரைப்படத்தின் பிரமோஷன் நிகழ்ச்சிகள் விறுவிறுப்பாக நடைபெற்று வருகின்றன.
இந்த படத்தில் நாயகி அதிதி சங்கர், இயக்குனர் மிஸ்கின், நடிகர் சுனில், சரிதா, யோகிபாபு என பல பிரபல நட்சத்திரங்கள் நடித்துள்ளனர். குறிப்பாக நடிகை சரிதா இந்த படத்தின் மூலம் நீண்ட இடங்களுக்கு பிறகு சினிமாவில் ரீ என்ட்ரி கொடுத்துள்ளார்.
இந்த படத்தின் பிரமோஷன் நிகழ்ச்சியில் இன்று சிவகார்த்திகேயன் பேசும்போது கூட, “நீங்கள் இந்த மாவீரன் படத்தை தொடர்ந்து அடுத்து இனி இடைவெளி விடாமல் அடுத்தடுத்த படங்களில் நடிக்க வேண்டும் என்று வேண்டுகோள் வைத்தார்.
அதுமட்டுமல்ல சரிதா நன்கு எழுதத் தெரிந்த இயக்குனர் படங்களிலும் தனக்கு முக்கியத்துவம் இருக்கும் படங்களிலும் மட்டுமே நடிக்க ஒப்புக்கொள்வேன் என்று தனது குருநாதர் கே பாலச்சந்தர் காலத்தில் இருந்து ஒரு கொள்கை வைத்திருப்பதாகவும் அதன்படி தான் தற்போதும் படங்களில் நடிக்க ஒப்புக்கொள்வேன் என்றும் கூறியதாகவும் குறிப்பிட்டார் சிவகார்த்திகேயன்.