நடிகர் தனுஷ் துள்ளுவதோ இளமை படத்தின் மூலம் தமிழ் திரை உலகில் நுழைந்து கிட்டத்தட்ட 20 வருடங்களை கடந்து விட்டார். அதிலும் கடந்த சில வருடங்களில் அசுரன், கர்ணன், திருச்சிற்றம்பலம் என அசுரத்தனமாக வெற்றி படங்களையும் கொடுத்து வருகிறார்.
தற்போது அருண் மாதேஸ்வரன் இயக்கத்தில் கேப்டன் மில்லர் என்கிற படத்தில் நடித்து வருகிறார். இது தவிர சமீபத்தில் பாலிவுட்டில் இயக்குனர் ஆனந்த் எல் ராய் இயக்கத்தில் தனுஷ் நடிக்க இருக்கும் புதிய படத்தில் அறிவிப்பும் வெளியானது.
அந்த வகையில் இதுவரை 49 படங்களில் நடித்து முடித்துவிட்ட தனுஷின் ஐம்பதாவது படம் குறித்த எதிர்பார்ப்பு ரசிகர்களிடையே அதிகம் நிலவி வந்தது இந்த நிலையில் தற்போது அவரது ஐம்பதாவது படத்தின் அறிவிப்பு அதிகாரப்பூர்வமாக வெளியாகி உள்ளது.
சன் பிக்சர்ஸ் நிறுவனம் தயாரிக்கும் இந்த படத்தில் தனுஷ் நாயகனாக நடிப்பதுடன் அவரே படத்தின் கதையை எழுதி இயக்குகிறார்