இயக்குனர்கள் பலரும் நடிகர்களாக மாறிய வரிசையில் யோகி படம் மூலம் கதாநாயகனாக அறிமுகமான இயக்குனர் அமீருக்கும் ஒரு இடம் உண்டு. அதைத்தொடர்ந்து அவர் இயக்கிய படங்களின் எண்ணிக்கையும் குறைவு. அதேபோல செலெக்ட்டிவ்வான படங்களில் மட்டுமே நடித்து வருவதால் அவர் நடித்த படங்களின் எண்ணிக்கையும் குறைவு.
இந்த நிலையில் தற்போது உயிர் தமிழுக்கு என்கிற அரசியல் படத்தில் நடித்துள்ளார் அமீர். அந்த படம் இந்த மாதம் வெளியாக வேண்டியது. சில காரணங்களால் அதன் ரிலீஸ் தேதி தள்ளி போய் இருக்கிறது.
இந்த நிலையில் அடுத்ததாக அமீர் கதாநாயகனாக நடிக்கும் படத்தை இசையமைப்பாளர் யுவன் சங்கர் ராஜா தயாரித்து வருகிறார். இது குறித்து அறிவிப்பு ஏற்கனவே வெளியாகி படப்பிடிப்பும் துவங்கி நடைபெற்று வருகிறது.
இந்த படத்தை ரமேஷ் பாலகிருஷ்ணன் என்பவர் இயக்கி வருகிறார். யுவன் சங்கர் ராஜா இந்த படத்திற்கு இசையமைக்கிறார். இந்த நிலையில் இந்த படத்தின் டைட்டில் இன்று அறிவிக்கப்படுவதாக ஏற்கனவே அமீர் கூறியிருந்தார். இந்த நிலையில் இந்த படத்திற்கு மாயவலை என டைட்டில் வைக்கப்பட்டுள்ளது.