மாநாடு என்கிற மிகப்பெரிய வெற்றிக்கு பிறகு வெங்கட் பிரபு தெலுங்கில் இயக்கியுள்ள வரும் படம் கஸ்டடி. தெலுங்கு திரை உலகின் இளம் நடிகர் நாக சைதன்யா கதாநாயகனாக நடித்துள்ள இந்த படத்தில் கதாநாயகியாக கீர்த்தி ஷெட்டி நடித்துள்ளார்.
மேலும் முக்கிய வேடங்களில் சரத்குமார், பிரேம்ஜி, ஜீவா, ராம்கி, பிரியாமணி ஆகியோர் நடித்துள்ளனர். தமிழ், தெலுங்கு என ஒரே நேரத்தில் இரண்டு மொழிகளில் இந்த படம் தயாராகி வருகிறது. இந்த படத்திற்கு இசைஞானி இளையராஜாவும் யுவன் சங்கர் ராஜாவும் இணைந்து இசையமைக்கின்றனர்.
இந்த படம் வரும் மே 12ஆம் தேதி வெளியாக இருக்கிறது இதைத் தொடர்ந்து தற்போது போஸ்ட் புரொடக்ஷன் பணிகள் இறுதி கட்டத்தை எட்டியுள்ளன.
தற்போது இந்த படத்தின் பின்னணி இசை கோர்ப்பு பணிக்காக வெங்கட் பிரபுவும் யுவன் சங்கர் ராஜாவும் துபாயில் பரபரப்பாக பணியாற்றி வருகின்றனர்.