சூப்பர்ஸ்டார் ரஜினிகாந்த் நடிப்பில் கடந்த 35 வருடங்களுக்கு முன்பு வெளியாகி வெற்றி பெற்ற படம் மாவீரன். தற்போது அதே தலைப்பில் சூப்பர் ஸ்டார் ரஜினிகாந்தின் தீவிர ரசிகரான சிவகார்த்திகேயன் புதிய படம் ஒன்றில் நடித்து வருகிறார்.
யோகி பாபுவை கதையின் நாயகனாக வைத்து மண்டேலா என்கிற வெற்றி படத்தை கொடுத்து தேசிய விருதும் பெற்ற இயக்குனர் மடோன் அஸ்வின் இந்த படத்தை இயக்கி வருகிறார். சிவகார்த்திகேயனுக்கு ஜோடியாக அதிதி ஷங்கர் இந்தப் படத்தில் நடிக்கிறார்.
மிஷ்கின் மற்றும் தெலுங்கு நடிகர் சுனில் நடிக்கும் ஒரு பெரிய ஆக்ஷன் காட்சியுடன் படப்பிடிப்பை முடிக்கும் தருவாயில் படக்குழு உள்ளது. இயக்குநர் மிஷ்கின் இதில் வில்லனாக நடிக்கிறார். மேலும், நடிகர்கள் யோகி பாபு மற்றும் தெலுங்கின் முன்னணி நடிகர் சுனில் ஆகியோர் முக்கிய வேடங்களில் நடிக்கின்றனர்.
சாந்தி டாக்கீஸ், அருண் விஸ்வா இந்தப்படத்தை தயாரித்துள்ளார். இந்த நிலையில் இந்த படத்தின் சேட்டிலைட் உரிமையை சன் டிவி கைப்பற்றியுள்ளது.
மாவீரன்’ படம் அறிவித்த நாளில் இருந்தே ரசிகர்களிடையே எதிர்பார்ப்பை அதிகமாக்கியுள்ளது. சமீபத்தில் சுமார் 500 உள்ளூர் நடனக் கலைஞர்கள் இடம்பெற்ற முதல் சிங்கிளான- ‘சீன் ஆ சீன் ஆ’ ரசிகர்களின் கவனத்தை ஈர்த்துள்ளது