யசோதா என்கிற படத்தின் மிகப்பெரிய வெற்றிக்கு பிறகு சமந்தா நடிப்பில் அடுத்ததாக வெளியாக இருக்கும் படம் சாகுந்தலம். இந்த படத்தை தெலுங்கு சினிமாவின் கமர்சியல் இயக்குனர்களில் ஒருவரான குணசேகர் இயக்கியுள்ளார்.
கதாநாயகனாக மலையாள நடிகர் தேவ் மோகன் நடிக்க முக்கிய வேடத்தில் அதிதி பாலன் நடித்துள்ளார். புராண இதிகாச கதையான துஷ்யந்தன், சகுந்தலை இருவரின் வாழ்க்கை வரலாற்றை மையப்படுத்தி பேண்டஸி படமாக இது உருவாகியுள்ளது.
இந்த படம் வரும் பிப்ரவரி 17ஆம் தேதி வெளியாகும் என சில மாதங்களுக்கு முன்பே அதிகாரப்பூர்வமாக அறிவிக்கப்பட்டிருந்தது. ஆனால் தற்போது சில காரணங்களால் இந்த படத்தின் ரிலீஸ் தேதி தள்ளிப் போகிறது என்று அறிவித்து தங்களது வருத்தத்தை வெளிப்படுத்தியுள்ளது தயாரிப்பு நிறுவனம். ஆஅனால் சாகுந்தலம் பட வெளியீடு தள்ளி போனதற்கான வெளிப்படையான காரணங்கள் எதுவும் தெரியவில்லை.
அது மட்டுமல்ல விரைவில் இந்த படத்திற்கான இன்னொரு ரிலீஸ் தேதி அறிவிக்கப்படும் என்றும் அவர்கள் கூறியுள்ளனர். பிப்ரவரி 17ஆம் தேதி அன்று தான் தனுஷ் நடிப்பில் தமிழ், தெலுங்கு என இரு மொழி படமாக உருவாகியுள்ள வாத்தி திரைப்படம் வெளியாகிறது. அதுமட்டுமல்ல தனுஷின் அண்ணன் செல்வராகவன் கதையின் நாயகனாக நடித்துள்ள பகாசுரன் என்கிற படமும் அதே தேதியில் தான் வெளியாக இருக்கிறது என்பது குறிப்பிடத்தக்கது.