இந்த வாரம் வெள்ளிகிழமை விஷ்ணு விஷால் நடிப்பில் தமிழ், தெலுங்கில் என ஒரே நேரத்தில் அவர் நடித்த கட்ட குஸ்தி திரைப்படம் வெளியானது. தெலுங்கில் இந்த படம் மட்டி குஸ்தி என்கிற பெயரில் ரிலீஸ் செய்யப்பட்டது.
தற்போது தமிழ், தெலுங்கு என இரண்டு மொழிகளிலும் இந்த படத்திற்கு தியேட்டர்களில் ரசிகர்கள் அமோக ஆதரவை அளித்து வருகின்றனர். படத்தின் கதாநாயகியாக ஐஸ்வர்யா லட்சுமி நடித்துள்ளார்.
ஏற்கனவே விஷ்ணு விஷாலை வைத்து சிலுக்குவார்பட்டி சிங்கம் படத்தை இயக்கிய செல்ல அய்யாவு இந்த படத்தை இயக்கியுள்ளார். பிரபல தெலுங்கு நடிகர் ரவிதேஜாவும் விஷ்ணு விஷாலும் இந்தப்படத்தை இணைந்து தயாரித்திருந்தனர்.
இந்த படம் மல்யுத்த போட்டியை உயிராய் நினைக்கும் ஒரு பெண்ணுக்கும் மனைவி தனக்கு கட்டுப்பட்டு நடக்க வேண்டும் என நினைக்கும் ஒரு ஆணுக்கும் இடையே நடக்கும் உறவு போராட்டமாக காமெடி கலந்து உருவாகியுள்ளது.
படம் ஆரம்பித்தது முதல் இறுதிவரை இந்தப்படம் எங்கும் போரடிக்காமல் ரசிகர்களை சீரான இடைவெளியில் சிரிக்க வைத்தபடி கலகலப்பாக செல்கிறது.
இந்த நிலையில் இந்த படத்திற்கு கிடைத்த வெற்றியைத் தொடர்ந்து ரவிதேஜாவும் விஷ்ணு விஷாலும் இந்த படத்தின் வெற்றியை இணைந்து கொண்டாடி உள்ளனர். இது குறித்த புகைப்படங்கள் தற்போது வெளியாகி உள்ளன