புரட்சித்தலைவர் எம்ஜிஆரின் சூப்பர் ஹிட்டான பாடல்களில் ஒன்று தான் ‘கண்ணை நம்பாதே உன்னை ஏமாற்றும்’ என்கிற பாடல். அதிலிருந்து கண்ணை நம்பாதே என்கிற முதல் வார்த்தைகளை எடுத்து உதயநிதியின் படத்திற்கு டைட்டிலாக வைத்து படம் ஒன்று உருவாகி வருகிறது.
இந்த படத்தை மு.மாறன் என்பவர் இயக்கியுள்ளார். இவர் இரவுக்கு ஆயிரம் கண்கள் என்கிற படத்தை இயக்கியவர்.. சமீபகாலமாக ஆல்பம் பாடல் மூலமாக கவனம் ஈர்த்த இசையமைப்பாளர் சித்து குமார் இந்த படத்திற்கு இசையமைத்துள்ளார்.
பிரசன்னா, ஆத்மிகா, சதீஷ், பூமிகா, சுபிக்ஷா கிருஷ்ணன் ஆகியோர் இந்தப்படத்தில் நடித்துள்ளனர். இந்த படம் வரும் பிப்ரவரி மாதம் வெளியாகும் என்கிற அறிவிப்பு உதயநிதியின் பிறந்தநாளை முன்னிட்டு வெளியாகியுள்ளது.
இது தவிர அவர் மாரி செல்வராஜ் இயக்கத்தில் மாமன்னன் என்கிற படத்திலும் நடித்து முடித்துவிட்டார். இந்த படத்தின் போஸ்ட் புரடொக்ஷன் பணிகள் தற்போது நடைபெற்று வருகின்றன. அனேகமாக மாமன்னன் படத்திற்கு முன்னதாகவே கண்ணை நம்பாதே படம் வெளியாகிறது என்று சொல்லப்படுகிறது .