முதன்முதலாக தெலுங்கில் தளபதி விஜய் நடிப்பில் உருவாகி வரும் படம் வாரிசு. அதேசமயம் இந்த படம் முழுக்க முழுக்க தமிழ் ரசிகர்களை மனதில் வைத்து எடுக்கப்பட்டு வருகிறது. இந்த படத்தை தோழா படத்தை இயக்கிய வம்சி பைடிப்பள்ளி இயக்கியுள்ளார்.
கதாநாயகியாக ராஷ்மிகா மந்தனா நடிக்கிறார். முக்கிய வேடங்களில் சரத்குமார், பிரபு, உள்ளிட்டோர் நடித்துள்ளனர். இந்த படம் வரும் பொங்கல் வெளியீடாக வெளியாக இருக்கிறது.
இதுநாள் வரை இந்த படத்தின் போஸ்டர்கள் மட்டும் அவ்வப்போது வெளியாகி வந்தன. படப்பிடிப்பு தளத்தில் இருந்து புகைப்படங்கள் எதுவும் வெளியாகாமல் இருந்தது விஜய் ரசிகர்களுக்கு சற்று ஏமாற்றமாகவே இருந்தது.
இந்த நிலையில் படக்குழுவினர் படப்பிடிப்பு தளத்திலிருந்து விஜய்யின் புகைப்படங்கள் சிலவற்றை சோசியல் மீடியாவில் வெளியிட்டுள்ளனர். இதைத்தொடர்ந்து விஜய் ரசிகர்கள் அந்த புகைப்படங்களை பகிர்ந்து கொண்டு தங்களது மகிழ்ச்சியை வெளிப்படுத்தி வருகின்றனர்.
இந்த புகைப்படங்களில் விஜய் முன்பைவிட மிகவும் ஸ்டைலிஷாக இருப்பதாக பலரும் கருத்து தெரிவித்து வருகின்றனர்.