கடந்த இரண்டு வருடங்களில் சசிகுமார் நடித்த படங்கள் தியேட்டரிலும் ஓடிடியிலும் மாறி மாறி வெளியாகின. இந்த நிலையில் அடுத்ததாக சசிகுமார் நடிப்பில் வெளியாக இருக்கும் திரைப்படம் நான் மிருகமாய் மாற. இந்த படம் வரும் நவம்பர் முதல் வாரம் தியேட்டர்களில் வெளியாக இருக்கிறது.
கழுகு படத்தை இயக்கிய இயக்குனர் சத்யசிவா இந்தப் படத்தை இயக்கியுள்ளார். இதில் கதாநாயகியாக ஹரிப்ரியா நடிக்க வில்லனாக விதார்த் நடித்துள்ள இந்த படத்தின் டிரைலர் வரும் அக்டோபர் 28ஆம் தேதி வெளியாக இருக்கிறது..
இந்த படத்திற்கு இசையமைப்பாளர் ஜிப்ரான் பின்னணி இசை அமைத்துள்ளார் அதேசமயம் இந்த படத்தில் பாடல்கள் எதுவும் இல்லை என்பது குறிப்பிடத்தக்கது..
ஒரு சாதாரண மனிதன் சந்தர்ப்ப சூழ்நிலையால் எவ்வாறு மிருகமாக மாறுகிறான் என்பதே இந்த படத்தின் கதை. இந்த படத்தில் சசிகுமார் இதுவரை யாரும் ஏற்று நடித்திராத சவுண்ட் என்ஜினியர் கதாபாத்திரத்தில் நடித்துள்ளார்.