இயக்குனர் ஷங்கரின் மகள் அதிதி ஷங்கர் மருத்துவ படிப்பு படித்தவர். ஆனாலும் அவரது விருப்பம் எல்லாம் திரை உலகில் நுழைய வேண்டும், அதிலும் குறிப்பாக நடிப்பில் சாதிக்க வேண்டும் என்பதாகத்தான் இருந்தது. அந்தவகையில் யாரும் எதிர்பாராத விதமாக குட்டிப்புலி, கொம்பன் பட இயக்குனர் முத்தையா டைரக்சனில் கதாநாயகியாக விருமன் படத்தில் கார்த்திக்கு ஜோடியாக அறிமுகமாகிறார் அதிதி.
இந்த படத்தில் பக்கா கிராமத்து பெண்ணாக நடித்துள்ள அதிதி இந்த படத்தில் ஒரு பாடலும் பாடியுள்ளார். அருமையான நடனமும் ஆடியுள்ளார். சமீபத்தில் இந்த படத்தின் இசை வெளியீட்டு விழா நடைபெற்றது. வரும் ஆகஸ்ட் 12ஆம் தேதி இந்த படம் தியேட்டர்களில் வெளியாக இருக்கிறது.
இந்த நிலையில் இந்த படம் வெளிவருவதற்கு முன்பாகவே அடுத்ததாக சிவகார்த்திகேயனுக்கு ஜோடியாக நடிக்க ஒப்பந்தமாகியுள்ளார் அதிதி. மண்டேலா படத்தை இயக்கிய அஸ்வின் இயக்கத்தில் சிவகார்த்திகேயன் நடிக்கிறார் என்கிற அறிவிப்பும் அந்த படத்திற்கு மாவீரன் என டைட்டிலும் வைக்கப்பட்டு ஏற்கனவே அறிவிப்புகள் வெளியாகின.
இந்த நிலையில் இந்த படத்தில் கதாநாயகியாக நுழைந்துள்ளார் அதிதி. இந்த படம் நேற்று பூஜையுடன் துவங்கப்பட்டு உள்ளது. இதில் அதிதியின் தந்தை இயக்குனர் ஷங்கரும் கலந்து கொண்டு சிறப்பித்தார்.