கவுதம் மேனன் இயக்கத்தில் விண்ணைத்தாண்டி வருவாயா, அச்சம் என்பது மடமையடா ஆகிய படங்களைத் தொடர்ந்து மூன்றாவது முறையாக சிம்பு நடித்துள்ள படம் வெந்து தணிந்தது காடு. இந்த படத்தில் கதாநாயகியாக சித்தி இத்னானி நடித்துள்ளார். இந்த படத்தின் படப்பிடிப்பு முடிவடைந்து போஸ்ட் புரொடக்ஷன் பணிகள் நடைபெற்று வருகின்றன. வரும் செப்டம்பர் 15ம் தேதி படம் வெளியாக இருக்கிறது.
இந்த நிலையில் இந்த படத்தின் தமிழக வெளியீட்டு உரிமையை உதயநிதி ஸ்டாலினின் ரெட் ஜெயன்ட் மூவிஸ் கைப்பற்றியுள்ளது. இதற்கு முன்னதாக 12 வருடங்களுக்கு முன்பு இதே கூட்டணியில் வெளியான விண்ணைத்தாண்டி வருவாயா படத்தை ஜெயன்ட் மூவிஸ் நிறுவனம் தான் வெளியிட்டது என்பதும் அந்த படம் மிகப்பெரிய வெற்றியை பெற்றது என்பதும் குறிப்பிடத்தக்கது.