பாலிவுட்டில் உருவாகி பான் இந்தியா படமாக வெளியாக இருக்கும் படம் பிரம்மாஸ்திரா. இந்த படத்தில் அமிதாப்பச்சன், நாகர்ஜூனா ஆகியோர் முக்கிய வேடங்களில் நடிக்க, ரன்பீர் கபூரும் சமீபத்தில் அவரது மனைவியாக மாறிய ஆலியா பட்டும் இணைந்து நடித்துள்ளனர். இந்த படம் வரும் செப்டம்பர் 9ஆம் தேதி உலகெங்கும் வெளியாக இருக்கிறது. இந்த படத்தை அயன் முகர்ஜி என்பவர் இயக்கியுள்ளார்.
இந்த நிலையில் இந்த படத்தின் டிரைலர் ஜூன் 15-ஆம் தேதி வெளியாக இருக்கிறது. ஆனால் இந்த தேதியை அறிவிப்பதற்காக ஒரு பிரம்மாண்ட நிகழ்ச்சியை நடத்தி அதற்கு இயக்குனர் ராஜமவுலியை அழைத்து வந்து படத்தின் ட்ரெய்லர் வெளியீட்டு தேதியை அறிவிக்க செய்து அதிலேயே ஒரு பிரம்மாண்டம் காட்டியுள்ளனர் படக்குழுவினர்.
இன்றைய தேதியில் ராஜமவுலி ஒரு நிகழ்ச்சியில் கலந்து கொண்டால் அல்லது அவர் சில வார்த்தைகளைப் பேசினால் அது இந்திய அளவில் ரசிகர்களை கவரும் விதமாக இருப்பதால் படத்தின் புரமோஷனுக்கு இதை கையாண்டுள்ளனர் படக்குழுவினர்.