நடிகர் விஜய் தற்போது முதன்முறையாக நேரடி தெலுங்கு படமொன்றில் நடித்து வருகிறார். இயக்குனர் வம்சி பைடிப்பள்ளி இயக்கத்தில் உருவாகி வரும் இந்த படத்தை தெலுங்கின் பிரபல தயாரிப்பாளர் தில் ராஜு தயாரிக்கிறார். படத்தில் கதாநாயகியாக ராஷ்மிகா மந்தனா நடிக்க, முக்கிய வேடங்களில் பிரகாஷ்ராஜ், பிரபு, ஸ்ரீகாந்த், ஷாம், யோகிபாபு என பல நட்சத்திரங்கள் பலரும் நடிக்கின்றனர்.
வழக்கமான விஜய்யின் அதிரடி ஆக்ஷன் படங்களை போல அல்லாமல் இந்த படம் குடும்பப்பாங்கான அம்சத்துடன் உருவாகி வருவதாக சொல்லப்படுகிறது.
கடந்த சில வாரங்களுக்கு முன்பு ஹைதராபாத்தில் துவங்கிய இந்த படத்தின் படப்பிடிப்பில் கலந்துகொண்டு நடிக்க ஆரம்பித்த விஜய் தற்போது இந்த படத்தின் மிக நீண்ட முதல் கட்ட படப்பிடிப்பை முடித்து விட்டு சென்னை திரும்பியுள்ளார்.
அவர் விமான நிலையத்தில் இருந்து வீடு திரும்பிய புகைப்படங்கள் தற்போது சோசியல் மீடியாவில் வைரலாகி வருகின்றன