திரைப்பட பாடல்களுக்கு இணையாக தற்போது வீடியோ ஆல்பங்களும் ரசிகர்களிடையே மிகப்பெரிய வரவேற்பு பெற்று வருகின்றன. அவை யூடியூபில் மில்லியன் கணக்கில் பார்வையாளர்களால் பார்க்கப்பட்டு சாதனை படைத்து வருகின்றன. அந்த வகையில் தற்போது உருவாகியுள்ள ஆல்பம் தான் லவ் யூ பேபி. சார்பட்டா பரம்பரை படத்தின் மூலம் கவனிக்கத்தக்க நடிகராக மாறிய சந்தோஷ், பிரதாப் இந்த ஆல்பத்தின் கதாநாயகனாக நடித்துள்ளார். கதாநாயகியாக என்னங்க சார் உங்க சட்டம் மற்றும் சகா ஆகிய படங்களில் கதாநாயகியாக நடித்த ராதிகா நடித்துள்ளார். இந்த ஆல்பத்தை பிரசாத் ராமர் என்பவர் இயக்கியுள்ளார்.
இந்தப் பாடலின் ஹைலைட் என்னவென்றால் இதை பிரேம்ஜி அமரன் பாடி இருப்பது தான். அதற்கேற்ற மாதிரி இளைஞர்களின் பல்ஸ் பார்த்து இந்த பாடலை மிக நேர்த்தியாக இயக்கியுள்ளார் பிரசாத் ராமர். அதற்காக அவர் கையில் எடுத்துள்ள கான்செப்ட் ஷாஜகான் படத்தில் விஜய் காதலர்களை சேர்த்து வைப்பது. அது போன்ற ஒரு கான்செப்ட் தான். இதில் காதலர்களை சேர்த்து வைப்பவராக ராகுல் தாத்தா அசத்தி உள்ளார்.