சமீபத்தில் வெளியான காத்துவாக்குல ரெண்டு காதல் என்கிற படத்தில் கலகலப்பான, ஜாலியான ஒரு காதல் பறவையாக நயன்தாராவைப் பார்த்தவர்கள், அடுத்ததாக 8 வயது பையனுக்கு அம்மாவாக நடித்துள்ள அவரது சீரியஸான நடிப்பையும் பார்க்கத் தயாராக இருங்கள்.
மிகப்பெரிய படங்களை தயாரித்து வரும் ட்ரீம் வாரியர் பிக்சர்ஸ் நிறுவனம் தற்போது நயன்தாராவை வைத்து தயாரித்துள்ள படம் தான் O2. ஜி.எஸ் விக்னேஷ் என்பவர் இந்த படத்தை இயக்கியுள்ளார். இந்த படம் டிஸ்னி ஹாட்ஸ்டாரில் விரைவில் வெளியாக இருக்கிறது. இந்த படத்தில் நயன்தாராவின் மகனாக சிறுவன் ரித்விக் நடித்துள்ளார். மேலும் இவர்களுடன் வீணா, ஆடுகளம் நரேன், ஜாபர் இடுக்கி, மற்றும் மறைந்த இயக்குனர் ஆர்.என்.ஆர் மனோகர் ஆகியோர் முக்கிய கதாபாத்திரங்களில் நடித்துள்ளனர். இந்த படத்திற்கு விஷால் சந்திரசேகர் இசையமைத்துள்ளார்.
ஒரு தாய் தன் 8 வயது மகனுடன் விபத்தில் சிக்கும் ஒரு பேருந்தில் மாட்டிக்கொள்கிறாள். நுரையீரல் பிரச்சனைக்காக எப்போதும் தன் மகனிடம் இருக்கும் ஆக்ஸிஜன் சிலிண்டரை பேருந்தில் சகபயணிகள் குறிவைக்க தன் மகனை அவள் எவ்வாறு காப்பாற்றுகிறாள் என்பதைப் பரபரப்பாகச் சொல்லும் படம் தான் “O2”.
தமிழ்நாடு, கேரளா இணையும் மலைப்பகுதியில் இக்கதை நடப்பதாக அமைக்கப்பட்டுள்ளது.