கடந்த சில மாதங்களுக்கு முன்பு சிவகார்த்திகேயன் நடித்த டாக்டர் படம் வெளியானது. இதை தொடர்ந்து அவரது அடுத்த படமாக ரிலீசுக்கு தயாராகி வருகிறது ‘டான்’ இதை தொடர்ந்து அயலான் படமும் தயாரிப்பில் இருக்கிறது. இந்த நிலையில் முதன்முறையாக தெலுங்கு திரையுலகில் அடியெடுத்து வைத்துள்ளார் சிவகார்த்திகேயன்.
தமிழ் தெலுங்கு என இரண்டு மொழிகளில் உருவாகவுள்ள இந்த படத்தை தெலுங்கு இயக்குனர் அனுதீப் என்பவர் இயக்குகிறார். இந்தநிலையில் இந்த படத்தில் உக்ரைன் நாட்டை சேர்ந்த மரியா ரியபோஷப்கா என்பவர் நடிக்கிறார் என சொல்லப்பட்டு வந்தது.
இந்த நிலையில் அதை உறுதிப்படுத்தும் விதமாக தயாரிப்பு நிறுவனமே தற்போது அதிகாரப்பூர்வ அறிவிப்பை வெளியிட்டுள்ளது. சிவகார்த்திகேயனின் இருபதாவது படமாக உருவாகும் இந்தப் படத்திற்கு தமன் இசையமைக்கிறார்.