இயக்குனர் பொன்ராம் இயக்கத்தில் அதர்வா நடிக்க இருப்பதாகக் கூறப்படுகிறது.
அதர்வா தற்போது இயக்குனர் சாம் ஆண்டன் இயக்கத்தில் புதிய படத்தில் நடித்துள்ளார். அதையடுத்து அதர்வா, சற்குணம் இயக்கத்திலும் புதிய படத்தில் நடித்து வருகிறார். ‘சண்டி வீரன்’ படத்தை அடுத்து இந்தக் கூட்டணி இரண்டாவது முறையாக இணைந்துள்ளனர். மேலும் கண்ணன் இயக்கத்தில் அதர்வா நடித்துள்ள ‘தள்ளிப் போகாதே’ படமும் விரைவில் வெளியாகவுள்ளது.
இந்நிலையில் இயக்குனர் பாலாவின் தயாரிப்பு நிறுவனமான பி ஸ்டுடியோஸ் தயாரிப்பில் உருவாகும் புதிய படத்தை இயக்குனர் பொன்ராம் இயக்க இருப்பதாகவும் அதில் அதர்வா கதாநாயகனாக நடிக்க இருப்பதாகவும் கூறப்படுகிறது.
பொன்ராம் தற்போது விஜய்சேதுபதி நடிப்பில் புதிய படத்தை இயக்கி வருகிறார். அந்தப் படத்தை அடுத்து அதர்வா உடன் கூட்டணி அமைக்கலாம் என்றும் கூறப்பட்டு வருகிறது. இதற்கிடையில் கார்த்திக் நரேன் இயக்கத்திலும் அதர்வா நடிக்க இருப்பதாகக் கூறப்பட்டு வருகிறது.