‘மாநாடு’ படத்தின் பர்ஸ்ட் சிங்கிள் மெஹ்ருசைலா பாடல் தற்போது வெளியாகியுள்ளது.
வெங்கட் பிரபு இயக்கத்தில் சிம்பு நடிப்பில் ‘மாநாடு’ திரைப்படம் உருவாகி வருகிறது. இந்தப் படத்திற்கு யுவன் ஷங்கர் ராஜா இசையமைக்கிறார். கல்யாணி ப்ரியதர்ஷன் கதாநாயகியாக நடித்துள்ளார். சிம்பு மற்றும் யுவன் காம்போ என்பதால் ‘மாநாடு’ படத்தின் பாடல்களுக்கு அதிக எதிர்பார்ப்பு நிலவி வருகிறது.
தற்போது மாநாடு படத்திலிருந்து முதல் பாடலாக மஹ்ருசைலா ‘Meherezylaa’ என்ற பாடல் வெளியாகியுள்ளது. இந்தப் பாடலை யுவன் ஷங்கர் ராஜா, ரிஸ்வான் மற்றும் ராஜா பவதாரணி ஆகியோர் பாடியுள்ளனர். பாடலுக்காக பெரிய செட் அமைக்கப்பட்டு படமாக்கப்பட்டுள்ளது.வழக்கம் போல யுவன் சிறந்த இசை மற்றும் பாடலைக் கொடுத்திருக்கிறார். பவதாரணியின் குரல் மட்டும் பாடலின் தனித்துத் தெரிகிறது. கேட்பதற்கு மிகவும் சிறப்பாக உள்ளது. ரசிகர்களிடம் இந்தப் பாடல் நல்ல வரவேற்பைப் பெற்று வருகிறது.