தமிழ், மலையாளம், தெலுங்கு, கன்னடம் ஆகிய மொழிகளில் முன்னணி நாயகியாக வலம் வருபவர் சரத்குமாரின் மகள் வரலட்சுமி சரத்குமார். தற்போது தமிழில் ‘காட்டேரி’, ‘பாம்பன்’, ‘சேஸிங்’, ‘டேனி’, ‘பிறந்தாள் பராசக்தி’ ஆகிய படங்களிலும், தெலுங்கில் ‘க்ராக்’ மற்றும் கன்னடத்தில் ‘ரணம்’ என பல படங்களில் பிஸியாக நடித்து வருகிறார்.
இந்திய கிரிக்கெட் துறையில் முக்கிய பொறுப்பில் இருக்கும் சந்தீப் என்பவருக்கும் வரலட்சுமி சரத்குமாரும் காதலிப்பதாகவும், இவர்களது காதலுக்கு இருவரது குடும்பத்தினரும் சம்மதம் தெரிவித்துவிட்டதால் விரைவில் திருமணம் நடக்கும் என செய்திகள் வெளியாகின. இந்த நிலையில் நடிகை வரலட்சுமி சரத்குமார் வதந்திக்கு தனது ட்விட்டர் பக்கத்தில் முற்றுப்புள்ளி வைத்துள்ளார்.
அதில், “எனக்குத் திருமணம் என்ற விஷயம் ஏன் எனக்கு மட்டும் கடைசியாகத் தெரிகிறது? அதே முட்டாள்தனமான வதந்திகள். என் திருமணத்தில் ஏன் எல்லாரும் ஆர்வமாக இருக்கிறார்கள். எனக்குத் திருமணம் என்றால் நான் அதை என் கூரை மீது ஏறி அறிவிப்பேன். எனக்குத் திருமணம் இப்போது இல்லை. நான் சினிமாவை விட்டு விலகவும் இல்லை” என வரலட்சுமி தெரிவித்துள்ளார்.
Why am i the last to know that I’m getting married..??Hahahah the same nonsense rumors..why is everybody obsessed with me getting married..if I’m getting married I will shout it off the roof tops..to all u media ppl writing abt this..IM NOT GETTING MARRIED. IM NOT QUITTING FILMS pic.twitter.com/VimowM2pMR— 𝑽𝒂𝒓𝒂𝒍𝒂𝒙𝒎𝒊 𝑺𝒂𝒓𝒂𝒕𝒉𝒌𝒖𝒎𝒂𝒓 (@varusarath) May 18, 2020