தமிழ்த் திரையுலகின் உச்ச நட்சத்திரமான ‘சூப்பர் ஸ்டார்’ரஜினிகாந்த் அவர்கள் சிறப்பு தோற்றத்தில் நடித்த ‘லால் சலாம்’ திரைப்படம் சமீபத்தில் வெளியாகி வெற்றி பெற்றது. அவர் லைகா புரொடக்ஷன்ஸ் தயாரிப்பில், த.செ.ஞானவேல் இயக்கத்தில், தனது 170-வது படமான ‘வேட்டையன்’ திரைப்படத்தின் இறுதிக்கட்ட படப்பிடிப்பில் கலந்துகொண்டு வருகிறார்.
அடுத்ததாக சன் பிக்சர்ஸ் தயாரிப்பில், இயக்குனர் லோகேஷ் கனகராஜ் இயக்கத்தில் தனது 171-வது படத்தில் நடிக்க உள்ளார்.
இந்நிலையில் நேற்று இந்தியா முழுவதும் வண்ணங்களின் விழாவான ஹோலி பண்டிகை வெகு விமரிசையாக கொண்டாடப்பட்டது. ‘சூப்பர் ஸ்டார்’ரஜினிகாந்த் அவர்களும் தனது மகள்கள் மற்றும் பேரன்களுடன் ஹோலி பண்டிகையை தனது இல்லத்தில் கொண்டாடி மகிழ்ந்தார்.
இதன் புகைப்படங்களை, அவரது மூத்த மகளான ஐஸ்வர்யா ரஜினிகாந்த் தனது அதிகாரப் பூர்வ சமூக வளைத்தளப் பக்கத்தில் பகிர்ந்துள்ளார்.