தமிழ் சினிமாவின் ஆகச் சிறந்த ஆளுமையான ‘உலகநாயகன்’ கமல்ஹாசன் தனது அடுத்த படத்திற்கான அறிவிப்பை வெளியிட்டுள்ளார். தற்காலிகமாக ‘KH 237’ என்று அழைக்கப்படும் என்றும் தெரிவித்துள்ளார். புகழ்பெற்ற தனது ராஜ்கமல் ஃபிலிம்ஸ் இத்திரைப்படத்தை தயாரிக்கும் என்றும் புகழ்பெற்ற சண்டைப் பயிற்சி இயக்குனர்களான இரட்டையர்கள் ‘அன்பறிவ்’ என்று அழைக்கப்படும் அன்புமணி-அறிவுமணி இயக்குனர்களாக அறிமுகமாவதாகவும் தெரிவித்துள்ளார். இதற்கான அதிகாரப்பூர்வ அறிவிப்பை தமது ‘X’ சமூக வலைத்தளத்தில் காணொளியுடன் பகிர்ந்துள்ளார். இதற்கு முன்பு,இயக்குனர் இரட்டையரும் கமல்ஹாசனும் ‘விக்ரம்’ படத்தில் இணைந்து பணியாற்றினர்.
கமல்ஹாசன்,”தமது திறமையை நிரூபித்த இரட்டையர்களை அவர்களது புதிய அவதாரமான இயக்குனர்களாக #KH237-ல் அறிமுகப் படுத்துவதில் பெருமை அடைகிறேன். சண்டைப் பயிற்சியாளர்கள் ‘அன்பறிவ்’ இருவரையும் ராஜ்கமல் ஃபிலிம்ஸ் இன்டர்நேஷனல் நிறுவனத்திற்கு மீண்டும் வரவேற்கிறேன்” என பதிவிட்டிருந்தார்.
கமல்ஹாசன் மற்றும் இயக்குனர் இரட்டையர்கள் இருவரும் இதற்கு முன்பு 2022 ஆம் ஆண்டு ‘விக்ரம்’ படத்தில் இணைந்து பணியாற்றியுள்ளனர். லோகேஷ் கனகராஜ் இயக்கிய இந்தப் படத்தில் ஃபஹத் பாசில், விஜய் சேதுபதி, காளிதாஸ் ஜெயராம் உள்ளிட்ட பலர் நடித்திருந்தனர். இப்படம் விமர்சகர்கள் மற்றும் பார்வையாளர்களிடமிருந்து நேர்மறையான விமர்சனத்தைப் பெற்றது.
‘விக்ரம்’ தவிர,’இந்தியன் 2′ படத்திலும் மூவரும் இணைந்து பணியாற்றியுள்ளனர். இப்படம் 1996 ஆம் ஆண்டு வெளியான ‘இந்தியன்’ படத்தின் இரண்டாம் பாகமாகும். இப்படத்தின் வெளியீட்டு தேதி இன்னும் அறிவிக்கப்படவில்லை. ஆனால் படப்பிடிப்பிற்கு பிந்தைய தயாரிப்பு பணிகள் நடைபெற்று வருவதாக தகவல்கள் தெரிவிக்கின்றன. ‘இந்தியன் 2’ படத்தில் ரகுல் ப்ரீத் சிங், காஜல் அகர்வால், சித்தார்த், பாபி சிம்ஹா, விவேக் மற்றும் நெடுமுடி வேணு ஆகியோர் முக்கிய வேடங்களில் நடித்துள்ளனர்.
சண்டைப் பயிற்சிக் கலைஞர்களான ‘அன்பறிவ்’ மற்றும் கமல்ஹாசன் ஆகியோர் தலைசிறந்த இயக்குனர் மணிரத்னம் இயக்கத்தில் ‘தக் லைஃப்’ படத்திலும் இணைந்து பணியாற்றுகின்றனர்.