லைகா புரொடக்ஷன்ஸ் சுபாஷ்கரன் தயாரிப்பில்,’சூப்பர் ஸ்டார்’ ரஜினிகாந்த் சிறப்புத் தோற்றத்தில் நடிக்க,விக்ராந்த், விஷ்ணு விஷால் இருவரும் பிரதான கதாபாத்திரங்களில் நடிக்க, ஐஸ்வர்யா ரஜினிகாந்த் இயக்கியுள்ள ‘லால் சலாம்’ படத்தின் ரிலீஸ் தேதி அறிவிக்கப்பட்டுள்ளது.
![](https://v4ucinema.com/wp-content/uploads/2024/01/165_122.jpg)
நடிகர் ரஜினிகாந்தின் மூத்த மகள் ஐஸ்வர்யா இயக்கியுள்ள படம், ‘லால் சலாம்’. இந்தப் படத்தில் ‘மொய்தீன் பாய்’ என்ற கதாபாத்திரத்தில் ரஜினிகாந்த் சிறப்புத் தோற்றத்தில் நடித்துள்ளார். விக்ராந்த், விஷ்ணு விஷால் இருவரும் கதையின் நாயகர்களாக நடிக்க, ஒரு சிறப்புத் தோற்றத்தில் 1983-ஆம் ஆண்டு இந்திய கிரிக்கெட் அணிக்கு உலகக் கோப்பையை முதன் முதலில் வென்று கொடுத்த முன்னாள் கேப்டன் கபில் தேவ் நடித்துள்ளார்.
![](https://v4ucinema.com/wp-content/uploads/2024/01/Laal2-656x1024.jpg)
படத்துக்கு ‘இசைப்புயல்’ ஏ.ஆர்.ரஹ்மான் இசையமைத்துள்ளார். இப்படத்தில் லைகா சார்பில் சுபாஷ்கரன் படத்தை தயாரித்துள்ளார். ரெட் ஜெயன்ட் நிறுவனம் தமிழகத்தில் படத்தை வெளியிடுகிறது. இப்படம் வரும் பொங்கல் பண்டிகைக்கு திரையரங்குகளில் வெளியாகும் என முன்னர் அறிவிக்கப்பட்டது.
![](https://v4ucinema.com/wp-content/uploads/2024/01/Laal4-1024x1024.jpg)
லைகா நிறுவனத்தின் ‘மிஷன் சாப்டர்-I’ படம் 12/01/2024-அன்று பொங்கலை ஒட்டி வெளியாவதால், அதே நிறுவனம் தயாரித்துள்ள ‘லால் சலாம்’ படத்தின் வெளியீடு தள்ளிவைக்கப்பட்டது. அதன்படி, தற்போது இப்படத்தின் புதிய வெளியீட்டு தேதி அறிவிக்கப்பட்டுள்ளது. வரும் 09/02/2024-அன்று படம் வெளியாகும் என படக்குழு அறிவித்துள்ளது.
![](https://v4ucinema.com/wp-content/uploads/2024/01/Laal5-1024x1024.jpg)
இதனிடையே படத்தின் முதல் பாடல் வரிக் காணொளியான(Lyric Video) ‘தேர்த் திருவிழா’ 20-லட்சத்திற்கும் மேற்பட்ட பார்வைகளைக் கடந்துள்ளது.