லோகேஷ் கனகராஜ் இயக்கத்தில் மாஸ்டர் படத்தின் வெற்றியைத் தொடர்ந்து மீண்டும் விஜய் அவருடன் கூட்டணி சேர்ந்து பணியாற்றியுள்ள படம் லியோ. இந்த படத்தில் கதாநாயகியாக பல வருடங்களுக்குப் பிறகு மீண்டும் விஜய்யுடன் இணைந்து நடிககிறார் திரிஷா மற்றும் பிரியா ஆனந்த், அபிராமி வெங்கடாசலம் ஆகிய நடிகைகளும் இதில் நடிக்கின்றனர்.
பாலிவுட் நடிகை சஞ்சய் தத், இயக்குனர்கள் மிஸ்கின், கவுதம் மேனன் மலையாள நடிகர் மேத்யூ தாமஸ், பாபு ஆண்டனி என மிகப் பெரிய நட்சத்திர பட்டாளமே இந்த படத்தில் நடித்துள்ளனர்.
நடிகர் விஜய்க்கும் லோகேஷ் கனகராஜுக்கும் ராசியான இசையமைப்பாளரான அனிருத் இந்த படத்திற்கு இசையமைக்கிறார். சமீபத்தில் இந்த படத்தில் இருந்து வெளியான நான் ரெடி என்கிற பாடல் மிகப்பெரிய அளவில் ஹிட்டானது.
கடந்த ஜனவரி மாதம் காஷ்மீரில் துவங்கிய இந்த படத்தின் படப்பிடிப்பு சீரான இடைவெளியில் அடுத்ததாக சென்னை, ஹைதராபாத் என மாறி மாறி நடைபெற்றது.
இந்த நிலையில் இந்த படத்தின் மொத்த படப்பிடிப்பையும் முடித்துள்ளார் லோகேஷ் கனகராஜ். கடந்த ஆறு மாத காலகட்டத்தில் கிட்டத்தட்ட 125 நாட்கள் படப்பிடிப்பு நடைபெற்றுள்ளது. இத்தனை நாட்களும் தன்னிடம் கடுமையான மன உறுதியுடன் ஒத்துழைப்பு தந்து பணியாற்றிய படக்குழுவினர் அனைவருக்கும் லோகேஷ் கனகராஜ் நன்றி தெரிவித்துள்ளார். இந்த படம் வரும் ஆகஸ்ட் 19ஆம் தேதி ரிலீஸ் ஆகிறது.