தமிழில் தொடர்ந்து நடிகர் விஜய்யின் படங்களை இயக்கி வந்த இயக்குனர் அட்லீ அதன் பயனாக பாலிவுட் சென்று ஷாருக்கானின் படத்தை இயக்கும் மிகப்பெரிய வாய்ப்பை பெற்றார். தற்போது ஷாருக்கான் நடிப்பில் ஜவான் என்கிற படத்தை இயக்கி வருகிறார் அட்லீ.
இந்த படத்தில் நயன்தாரா கதாநாயகியாக நடிக்க விஜய் சேதுபதி வில்லனாக நடித்துள்ளார். யோகி பாபு முக்கிய வேடத்தில் நடித்துள்ளார். இப்படி தமிழ் நட்சத்திரங்கள் இந்த படத்தில் பணியாற்றுவதால் இந்த படத்திற்கான எதிர்பார்ப்பு இங்கே அதிகமாக இருக்கிறது.
இந்த நிலையில் தற்போது இந்த படத்தின் பிரிவியூ வெளியானது. உண்மையிலேயே ஷாருக்கானை வைத்து ஒரு அழகான கமர்சியல் படத்தை வடிவமைத்திருக்கிறார் அட்லீ என்று தான் சொல்ல வேண்டும்.
இந்த நிலையில் இந்திய திரைப்படத் துறையில் ஒரு திரைப்படத்தின் டீசர்கள் மற்றும் ட்ரெய்லர்கள் 24 மணி நேரத்தில் எவ்வளவு பார்வையை பெற்றிருக்கிறது என்ற எண்ணிக்கையின் அடிப்படையில், முந்தைய அனைத்து சாதனைகளையும் ஜவானின் வெளியீட்டுக்கு முந்திய வீடியோ எளிதாக முறியடித்திருக்கிறது.
அனைத்து தளங்களிலும் 112 மில்லியன் பார்வைகளை பெற்ற வீடியோவாக அபிரிமிதமான சாதனைகளைப் படைத்து, தற்போதுள்ள வரையறைகளை உடைத்து, இந்திய திரைப்படத் துறைக்கு ஒரு புதிய உச்சத்தை ஏற்படுத்தி உள்ளது.முதல் 24 மணி நேரத்தில் அதிகளவில் பார்வையிடப்பட்ட வீடியோவாக ஜவானின் பிரிவியூ முதலிடத்தில் உள்ளது.