நெல்சன் திலீப்குமார் இயக்கத்தில் சூப்பர் ஸ்டார் ரஜினிகாந்த் நடிப்பில் உருவாகி வரும் படம் ஜெயிலர். இந்த படத்தில் தமன்னா கதாநாயகியாக நடித்துள்ளார். சன் பிக்சர்ஸ் தயாரிப்பில் உருவாகியுள்ள இந்த படத்திற்கு அனிருத் இசையமைத்துள்ளார்.
இந்த படத்தில் நடித்துள்ள நட்சத்திர விபரங்கள் குறித்து ஏற்கனவே ரசிகர்கள் அனைவருக்கும் தெரிந்திருக்கும். வரும் ஆகஸ்ட் 10ஆம் தேதி படம் வெளியாக இருக்கிறது. இந்த நிலையில் ரசிகர்கள் இந்த படத்தில் இருந்து பர்ஸ்ட் லுக் போஸ்டர், டீசர், சிங்கிள் ட்ராக் ஆகியவற்றை எதிர்பார்த்து வந்தார்கள். இந்த நிலையில் இன்று இந்த படத்தில் இருந்து காவாலா என்கிற முதல் பாடல் வெளியாகி உள்ளது.
இந்த பாடல் தமன்னா நடனக் குழுவினருடன் ஆடிப்பாடும் ஒரு பாடலாக உருவாகியுள்ளது. இந்த பாடலில் சூப்பர் ஸ்டார் ரஜினிகாந்த்தும் அழகான நடன அசைவுகளுடன் தனது பங்களிப்பை கொடுத்துள்ளார்.
இன்று மாலை ஆறு மணிக்கு வெளியான இந்த படத்தின் காவாலா சிங்கிள் ட்ராக் லிரிக் வீடியோ ஐந்து மணி நேரத்தில் கிட்டத்தட்ட 4 மில்லியன் பார்வையாளர்களால் பார்க்கப்பட்டு ஒரு புதிய சாதனை படைக்க தயாராகி வருகிறது.
இந்த பாடலில் அனிருத் இசைக்கருவிகளை பயன்படுத்தி உள்ள விதம், வித்தியாசமான இசை, பாடலை முதன்முதலாக கேட்கும்போதே ரசிகர்களை எளிதில் கவர்ந்து விடுவது இந்த பாடலுக்கு கிடைத்த வெற்றி, இன்னும் சில தினங்களுக்கு இந்த பாடல் தான் எல்லா இடங்களிலும் ஒலிக்கும் என்பது உறுதி