நெல்சன் திலீப்குமார் இயக்கத்தில் சூப்பர் ஸ்டார் ரஜினிகாந்த் நடிப்பில் உருவாகி வரும் ஜெயிலர் படத்தின் இறுதிக்கட்டப் பணிகள் விறுவிறுப்பாக நடைபெற்று வருகின்றன. இந்த படம் வரும் ஆகஸ்ட் 10ஆம் தேதி வெளியாக இருக்கிறது. படம் வெளியாக இன்னும் 40 நாட்களுக்கும் குறைவாகவே இருக்கும் சூழ்நிலையில் இந்த படத்தின் டீசர் ஃபர்ஸ்ட் சிங்கிள் ஆகியவை எப்போது வெளியாகும் என ரசிகர்களிடம் மிகுந்த எதிர்பார்ப்பு இருக்கிறது.
இதற்கு பின்னாடி துவங்கிய விஜய் நடித்து வரும் லியோ படத்தில் இருந்து கூட சமீபத்தில் ஒரு ஃபர்ஸ்ட் சிங்கிள் வெளியானது. இத்தனைக்கும் இந்த படம் அக்டோபர் மாதம் தான் திரைக்கு வர இருக்கிறது. அவர்களே இப்படி முன்கூட்டி ஃபர்ஸ்ட் சிங்கிள் வெளியிட்டுள்ள நிலையில் ஜெயிலர் படத்திற்கு எதற்காக இப்படி டீசர், ஃபர்ஸ்ட் சிங்கிள் இவற்றை வெளியிடுவதில் தாமதம் என ரசிகர்கள் சோசியல் மீடியாவில் தங்களது வருத்தத்தை வெளிப்படுத்தி வருகின்றனர்,
இந்த நிலையில் இந்த படத்தை தயாரித்து வரும் சன் பிக்சர்ஸ் நிறுவனம் ஒரு அப்டேட் ஒன்றை வெளியிட்டுள்ளது, அதாவது நெல்சன் திலீப்குமார், இசையமைப்பாளர் அனிருத்திடம் அடுத்த வாரம் அடுத்த வாரம் என்று சொல்லிக்கொண்டே இருக்கிறீர்களே எப்போ தருவீர்கள் என்று கேட்பது போன்ற அவர்களது பழைய வீடியோ ஒன்றை வெளியிட்டுள்ளது.
அதாவது அனிருத் என் கையில் தான் எல்லாமே இருக்கிறது என்பதை உணர்த்துவது போல இருக்கிறது அந்த பதிவு. அதற்கு அனிருத்தும் அண்ணாமலை படத்தில் சூப்பர் ஸ்டார் ரஜினிகாந்த், ஜனகராஜிடம் 4 விரல்களை காட்டும் ஒரு புகைப்படத்தை வெளியிட்டு பதில் அளித்துள்ளார்.
இதை தொடர்ந்து ரசிகர்கள் அனைவரும் ஒருவேளை ஜூலை நான்காம் தேதி இந்த படம் குறித்த அப்டேட் வெளியாக இருக்கிறதோ என தாங்களாகவே யூகம் செய்து வருகின்றனர். ரசிகர்களை ஏமாற்றம் அடையச் செய்யாமல் அனிருத் ஏதாவது செய்வார் என எதிர்பார்க்கலாம்.