யூட்யூபில் விமர்சகராக பெயர் பெற்ற ராஜ்மோகன் பாபா பிளாக் ஷீப் என்கிற படத்தின் மூலம் இயக்குனராக அறிமுகமாகிறார். குழந்தைகளை மையப்படுத்தி இந்த படத்தின் கதையை இவர் உருவாக்கியுள்ளார்.
பள்ளிக்காலத்தின் அழகான நினைவுகளையும், பள்ளி கால வாழ்க்கையை பிரதிபலிக்கும் திரைப்படமாக இந்த “பாபா பிளாக் ஷீப்” உருவாகியுள்ளது.
இதில் கதையின் நாயகியாக அம்மா கதாபாத்திரத்தில் விருமாண்டி புகழ் நடிகை அபிராமி நடித்துள்ளார். முழுக்க முழுக்க இந்த படத்தை அவரே தாங்கிப் பிடித்துள்ளார் என்று படக்குழுவினர் அவரது நடிப்பை பாராட்டுகின்றனர்
மேலும் இந்த படத்தில் RJ விக்னேஷ்காந்த், அயாஸ், நரேந்திர பிரசாத் மற்றும் பிளாக் ஷிப் குழுவினர் முதன்மை கதாபாத்திரங்களில் நடித்துள்ளனர்.
இந்த படத்தின் அனைத்து பணிகளும் கிட்டத்தட்ட நிறைவு பெற்ற நிலையில் வரும் ஜூலை 14ஆம் தேதி இந்த படம் ரிலீஸ் ஆகும் என தற்போது அறிவிக்கப்பட்டுள்ளது.