இந்த வருட துவக்கத்தில் வெளியான வாத்தி திரைப்படத்தின் வெற்றியை தொடர்ந்து தற்போது அருண் மாதேஸ்வரன் இயக்கத்தில் தனுஷ் நடித்துவரும் படம் கேப்டன் மில்லர்.
பிரியங்கா அருள்மோகன் கதாநாயகியாக நடிக்க, கன்னட நடிகர் சிவராஜ்குமார் மற்றும் நடிகர் சந்தீப் கிஷன் ஆகியோர் முக்கிய வேடங்களில் நடிக்கின்றனர் இந்த படத்திற்கு ஜிவி பிரகாஷ் இசையமைக்கிறார்.
இந்த படத்தின் படப்பிடிப்பு சமீபத்தில் நிறைவடைந்தது. இந்த நிலையில் படத்தின் போஸ்ட் புரோடக்சன் பணிகள் துவங்கியுள்ளன. தீபாவளிக்கு இந்த படம் வெளியாக உள்ளது என்று சொல்லப்பட்டு வருகிறது.
இந்தநிலையில் வரும் ஜூலை 1ஆம் தேதி இந்த படத்தின் பர்ஸ்ட் லுக் போஸ்டர் வெளியாகும் என்கிற அறிவிப்பு வெளியாகி உள்ளது. இதற்கான அறிவிப்பு போஸ்டரே வித்தியாசமான முறையில் வடிவமைக்கப்பட்டுள்ளது.