விஜய் ரசிகர்களை பொறுத்தவரை விஜய் படம் வெளியாகும் நாளும் விஜயயின் பிறந்த நாளுமே ஒரு திருவிழா கொண்டாட்டம் போல கொண்டாட தயாராகி விடுவார்கள். அந்த வகையில் இன்று விஜய்யின் 49 வது பிறந்தநாள் அவரது ரசிகர்களால் கோலாகலமாக கொண்டாடப்பட்டு வருகிறது.
பல இடங்களில் விஜய் நடித்த படங்கள் சில தியேட்டர்களில் ரீ ரீலீஸ் செய்யப்பட்டு ரசிகர்கள் அதைப்பார்த்து உற்சாகமடைந்து வருகின்றனர்.
இன்னொரு பக்கம் தற்போது லோகேஷ் கனகராஜ் இயக்கத்தில் விஜய் நடித்து வரும் லியோ படத்திற்கான பர்ஸ்ட்லுக் போஸ்டர் இன்று காலை வெளியிடப்பட்டது.
இதைத்தொடர்ந்து ஏற்கனவே அறிவித்தபடி அனிருத் இசையில் உருவான நா ரெடி என்கிற ஃபர்ஸ்ட் சிங்கிள் லிரிக் வீடியோ இன்று மாலை வெளியானது. வழக்கம் போல விஜய் ரசிகர்களை உற்சாகப்படுத்தும் வரிகளுடன் இதில் அவ்வப்போது இடம் பெற்றுள்ள விஜய்யின் நடனமும் சேர்ந்து இந்த பாடல் விஜய் ரசிகர்களுக்கு மிகப்பெரிய மகிழ்ச்சியை, உற்சாகத்தை கொடுத்துள்ளது.
அது மட்டுமல்ல இந்த பாடலை விஜய்யும் அனிருத்தும் இணைந்து பாடியுள்ளார்கள் என்பதும் கூடுதல் சிறப்பம்சமாக அமைந்து விட்டது,