இயக்குனர் பாலாவின் உடன் பிறந்த அண்ணன் மகள் ரஞ்சனா நாச்சியார். ராமநாதபுரம் சமஸ்தானம் ராஜா பாஸ்கர சேதுபதியின் பேத்தியான இவர் இரும்புத்திரை படம் மூலம் தமிழ் சினிமாவில் அறிமுகமாகி அதன் பிறகு அண்ணாத்த, டைரி, நட்பே துணை உள்ளிட்ட படங்களில் முக்கிய கதாபாத்திரங்களில் நடித்து பிரபலமானவர்.
சினிமா மீதுள்ள ஆர்வத்தால் நடிகையாக திரையுலகில் நுழைந்த இவர் கிட்டத்தட்ட 20க்கும் மேற்பட்ட படங்களில் நடித்து விட்டார். இதற்கு அடுத்ததாக டைரக்சனில் இறங்க நேரம் பார்த்து வருகிறார். அதற்கு முன்னோட்டமாக பட தயாரிப்பு பற்றி தெளிவாக தெரிந்து கொள்ளும் விதமாக ஒரே நேரத்தில் இரண்டு படங்களை தனது சொந்த தயாரிப்பு நிறுவனம் மூலம் தயாரிக்க உள்ளார் ரஞ்சனா.
இதில் ஒரு படத்தை குட்டிப்புலி புகழ் நகைச்சுவை நடிகரும் பில்லா பாண்டி, குலசாமி, கிளாஸ்மேட்ஸ் உள்ளிட்ட படங்களை இயக்கிய இயக்குனருமான சரவண சக்தி இயக்குகிறார். இன்னொரு படத்தை விஜய் டிவி புகழ் நடிகரான அறிமுக இயக்குனர் சங்கர பாண்டியன் இயக்குகிறார். இரண்டு படங்களுமே கிராமத்து கதைக்களத்தில் உருவாக இருக்கின்றன.
திரைப்பட தயாரிப்பில் இறங்கியது குறித்து நடிகை ரஞ்சனா கூறும்போது, “மிகப்பெரிய குடும்பத்திலிருந்து சினிமாவிற்கு வந்தபோதும் கூட சினிமாவில் பெரிய அளவில் உன்னால் ஜெயிக்க முடியாது என்று தான் பலரும் கூறினார்கள். ஆனால் ஒரு நடிகையாக நல்ல இடத்தை பிடித்துள்ள நான் அடுத்ததாக டைரக்சனிலும் இறங்க முடிவெடுத்துள்ளேன். அதன் முதற்கட்டமாக படங்களை தயாரித்து அதுபற்றிய நுணுக்கங்களை முழுவதும் அறிந்து கொள்வதற்காகவே தயாரிப்பு நிறுவனம் துவங்கி படங்களை தயாரிக்க முடிவு செய்தேன்.
பெரும்பாலும் ஆண்களே ஒரு படத்தை தயாரித்து முடித்த பின்னர்தான் அடுத்த படத்தை ஆரம்பிப்பார்கள், ஆனால் பெண்களாலும் வெற்றிகரமாக சாதிக்க முடியும் என்பதற்காகவே நான் ஒரே நேரத்தில் இரண்டு படங்களை தயாரிக்கும் துணிச்சலாக முடிவை எடுத்துள்ளேன்” என்று கூறியுள்ளார்
பெரும்பாலும் ஆண்களே ஒரு படத்தை தயாரித்து முடித்த பின்னர்தான் அடுத்த படத்தை ஆரம்பிப்பார்கள், ஆனால் பெண்களாலும் வெற்றிகரமாக சாதிக்க முடியும் என்பதற்காகவே நான் ஒரே நேரத்தில் இரண்டு படங்களை தயாரிக்கும் துணிச்சலாக முடிவை எடுத்துள்ளேன் என்று கூறியுள்ளார்