காதலில் விழுந்தேன் படத்தின் மூலம் தமிழ் சினிமாவில் அறிமுகமாகி ரசிகர்களின் மனதிற்குள் விழுந்தவர் நடிகை சுனைனா. சினிமாவில் நுழைந்து 15 வருடங்களுக்கு மேல் ஆகியும் இன்னும் தனக்கென ஒரு இடத்தை தக்க வைத்துக்கொண்டு ஸ்டெடியாக பயணித்து வருகிறார். இந்த நிலையில் தற்போது அவர் நடித்துள்ள ரெஜினா என்கிற திரைப்படம் வரும் ஜூன் 23ஆம் தேதி வெளியாக இருக்கிறது.
இந்த படத்தை மலையாள இயக்குநர் டொமின் டி’சில்வா இயக்கியுள்ளார். இந்த படத்தை தயாரித்துள்ளதுடன் இசையமைப்பாளராகவும் அறிமுகம் ஆகிறார் சதீஷ் நாயர் இந்த நிலையில் இந்த படத்தில் ரெஜினாவின் அர்ப்பணிப்பு உணர்வு கண்டு பட குழுவினரை அதிசயத்த நிகழ்வும் நடந்துள்ளது.
கேரளாவில் உள்ள தொடுபுழாவை சேர்ந்த மலைப்பகுதிகளில் போக்குவரத்து என்பதே மிகவும் கடினமாக இருந்த இடங்களில் சில முக்கியமான காட்சிகளை படமாக்க வேண்டி இருந்தது. அதனால் மொத்த படக்குழுவும் படப்பிடிப்பு தளத்தை அடைய சில மைல் தூரம் நடக்கவேண்டி இருந்தது. அப்புறம் என்ன.? நடிகை சுனைனாவும் தான் கொண்டுவந்த பொருட்களை தூக்கிக்கொண்டு படக்குழுவினருடன் சேர்ந்து நடக்க ஆரம்பித்துவிட்டார். பல நாட்கள் இப்படி நடந்துள்ளார்.
தயாரிப்பாளர் சதீஷ் நாயர், இயக்குநர் டொமின் டி’சில்வா உள்ளிட்ட மொத்த படக்குழுவினரும் இந்த படத்தில் சுனைனாவின் அர்ப்பணிப்பு மற்றும் ஆதரவு குறித்து மிகவும் மகிழ்ச்சி அடைந்துள்ளனர்.